«Spradviečny Boh, jaki niekali na Synajskaj hary daŭ Majsieju zakon, siońnia źjaŭlajecca jak dziciatka; i, zhodna z zakonam, Tvorca zakonu vykonvaje zakon, prynosicca ŭ śviatyniu i dajecca staromu» (Lićcia śviata Strečańnia).
Siońnia biełaruskija kataliki vizantyjskaha abradu adznačajuć śviata Sustrečy Hospada, Boha i Zbaŭcy našaha Isusa Chrysta, taksama viadomaje jak Strečańnie Haspodniaje.
Hetaje dvunadziasiataje śviata zasnoŭvajecca na padziei z žyćcia Isusa Chrysta, zapisanaj śviatym jevanhielistam Łukoj (2, 22–40). Pa Majsiejevym Zakonie na sarakavy dzień paśla naradžeńnia dziciaci jaho maci mahła ŭpieršyniu pryjści ŭ chram i prynieści achviaru ačyščeńnia. Akramia taho, na sarakavy dzień nad pieršarodnym chłopčykam adbyvaŭsia abrad achviaravańnia Bohu i jaho adkupleńnia.
Pa pryniasieńni niemaŭlatki Isusa ŭ chram adbyvajecca sustreča Božaha Dziciaci i jaho Usiačystaj Maci z praviednym Siamionam, jakomu było adkryta Śviatym Ducham, što jon nie pabačyć śmierci, pakul pierš nie pabačyć Chrysta Hospada. Siońnia kožnuju viačerniu Uschodniaja Carkva zaviaršaje vieličnaj malitvaj praviednaha staroha: «Ciapier adpuskaješ, Uładaru, słuhu Tvajho ŭ supakoi pavodle słova Tvajho, bo maje vočy bačyli zbaŭleńnie Tvajo, jakoje Ty pryhatavaŭ pierad usimi ludźmi, śviatło dla praśviatleńnia narodaŭ i słavu Izraila, ludu Tvajho».
Śviata Strečańnia Haspodniaha ŭpieršyniu pačało adznačacca ŭ druhoj pałovie IV stahodździa ŭ Jerusalimie, ale ćviorda zamacavałasia ŭ liturhičnych kalendarach Uschodniaj i Zachodniaj Cerkvaŭ niedzie ŭ VI stahodździ. U zachodniaj tradycyi jano viadomaje jak śviata Achviaravańnia Pana, ci Hramnicy, i maje paraŭnalna mienšy status u liturhičnym kalendary.
I va ŭschodniaj, i ŭ zachodniaj tradycyi ŭ hety dzień u cerkvach aśviačajucca śviečki, jakija nazyvajuć «hramničnymi».
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary