Śvietły kalidor stvaraje ŭražańnie apieracyjnaj u balnicy.
Elektronnaje tabło...
...pakazvaje nie tolki biełaruski čas, ale i maskoŭski.
Zatoje pa-biełarusku niama nadpisaŭ zusim. Biełarusaŭ abaviazvajuć viedać movu inšych narodaŭ.
Šmat razietak usiudy — vialikaja zručnaść.
Najbolš navinak — u prybiralni.
Zamiest pryvyčnaj piedali — vyklučalnik.
Myła ciapier zalivajuć vadkaje.
Skrynku dla śmiećcia zrabili pa typie samalotnaj.
Vierchniaja palica.
Takija bra śvieciać jarčej.
Zamiest mietaličnaj leśvički — tolki padnožka.
Kuplaj što chočaš. Ale znoŭ ža - prejskurant tolki pa-rasiejsku.
Biełaruskaj movie miesca nie znajšłosia.
«Samavary» zastalisia raniejšymi.
Jość navat pažarny apaviaščalnik.
Mahčyma, takija vahony ŭžo kursujuć pa inšych nakirunkach užo nie pieršy miesiac, ale mnie nie davodziłasia bačyć, choć i jezdžu niaredka. Cikava, što takija vahony pačali puskać na ŭnutranyja rejsy. Bo kali jechaŭ paru miesiacaŭ tamu ź Vilni ŭ kupe, to vahon byŭ «stary», ale čysty i akuratny znutry.
U novym vahonie šmat navinak dy ŭtulna.
U kancach vahona jość elektronnyja tabło, jakija «pišuć», ci svabodnaja prybiralnia, kolki času ŭ Minsku i Maskvie (jak ža biez starejšaha brata), datu, tempieraturu.
Pastavili novyja śmietnicy, kamfortnyja.
Lusterki. Dva vialikija visiać u prybiralni. A kali tam zaniata, a treba pryvieści siabie ŭ paradak — dadatkovaje na ścianie ŭ kancy vahona. Na dźviarach u kupe jany taksama zastalisia.
Bijaprybiralnia, čaho, zdajecca, faktyčna niama na ŭnutranych rejsach dy na zamiežnych taksama.
Ciapier schadzić u prybiralniu možna ŭ luby momant, navat pry praciahłaj stajancy ciahnika.
Šmat razietak. U «starych» vahonach, jany sustrakalisia nie va ŭsich kupe i tolki kala prybiralni.
Ciapier razietki jość i ŭ kupe, i ŭ prybiralni, i na kalidory.
Radyjo možna ŭklučyć ci adklučyć u kupe pry dapamozie knopki, jak i śviatło. Kali susied choča słuchać papsu ci šanson (repiertuar u biełaruskich ciahnikach nie mianiajecca), a vy nie, možna jaho vystavić u kalidor: tam svaje dynamiki ad radyjo. Ale niama raskładnych kresielec uzdoŭž ściany.
Da navinak u kupe možna adnieści źjaŭleńnia bra na źmienu načnikam: śviatło było słabym i žoŭtym, ciapier jarkaje i biełaje. U kalidory taksama jarka — jak u apieracyjnaj.
Ale navat u takim novym vahonie pa-raniejšamu čutno, kali ŭ susiednim kupe hučna razmaŭlajuć.
A taksama niama biełaruskaj movy: ni na stendach ź infarmacyjaj, ni na elektronnych tabło — nidzie.
Pajezdka ŭ takim vahonie pryniesła zadavalnieńnie i pazityŭnyja emocyi. Ale kab jon praz hod nie pieratvaryŭsia ŭ pašarpany i nie straciŭ blasku, treba nam, pasažyram, taksama dbać pra heta.
* * *
A jak Vy aceńvajecie pasłuhi biełaruskaj čyhunki?