Znak Ptašuka: u Fiedziukach nie zabyvajuć znakamitaha režysiora.
Praz 70 hadoŭ i adzin dzień, 29 studzienia, na radzimie kiniematahrafista prajšli pamiatnyja mierapryjemstvy, prymierkavanyja da jubileju režysiora.
Na pieršy pohlad vioska Fiedziuki Lachavickaha rajona Bresckaj vobłaści nie adroźnivajecca ad inšych. Z Bresta pry adsutnaści mašyny tudy nie adrazu dabiarešsia: daviadziecca jechać ciahnikom da Baranavičaŭ, a zatym rabić pierasadku na aŭtobus, jaki ruchajecca ŭ kirunku Lachavičaŭ. Tady i paŭstanuć pierad vačyma zaśniežanyja krajavidy i roznakalarovyja domiki. Tut u razhar vajny naradziŭsia režysior Michaił Ptašuk, imia jakoha praz hady buduć viedać u roznych kutkach śvietu, ad Maskvy da Halivudu.
Mienavita rodnaja ziamla i składany vajenny čas, kali źjaviŭsia na śviet režysior, šmat u čym vyznačyli kirunak jaho tvorčaści. Michaił Ptašuk raskazvaŝ pra vajnu, ekranizavaŭ tvory biełaruskich litarataraŭ. Jarkimi staronkami jaho bijahrafii stali stužki «Znak biady», «Pra Viciu, pra Mašu i marskuju piachotu», «Čorny zamak Alšanski», «Vaźmu tvoj bol». Sapraŭdnym tryumfam stała karcina «U žniŭni
Staŭšy znakamitym, Michaił Mikałajevič nie zabyŭsia pra rodnuju viosku. Jon zaŭsiody viartaŭsia siudy, zdymaŭ svaje stužki vyklučna ŭ Biełarusi. Na radzimie ŭ honar kiniematahrafista byŭ ustalavany pakłonny kryž.
Adbylisia mierapryjemstvy i ŭ Lachavičach, dzie imiem režysiora nazvanaja vulica — doŭhi šerah damoŭ nasuprać lesapałasy, — jakuju «adkryvaje» miemaryjalnaja doška z partretam Ptašuka. Viečar pamiaci ŭ Domie kultury Lachavičaŭ pačaŭsia kala 13.30. Hledačy pieravažna školnaha ŭzrostu, zachoŭvajučy budysckuju abyjakavaść da nastojlivych rekamiendacyj piedahohaŭ pavodzić siabie cišej, biez entuzijazmu pazirali na scenu. Zrešty, dziŭny biełaruski fienomien pravodzić płanavyja mierapryjemstvy, stvarajučy masavaść za košt školnikaŭ, užo nie dzivić.
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Kamientary