Mikałaj Korbut zdymaje słuchaŭku, ale razmaŭlać admaŭlajecca
Učora sajt «Biełaruski partyzan» raspaŭsiudziŭ infarmacyju ab tym, što były kiraŭnik spravami prezidenta Mikałaja Korbuta znachodzicca pad «chatnim aryštam».
U Śledčym kamitecie «NN» paviedamili, što hetaje viedamstva nie pravodzić u dačynieńni Korbuta nijakich dziejańniaŭ.
My vyrašyli patelefanavać samomu byłomu «zaŭchozu» Łukašenki. Adbyŭsia nastupny dyjałoh.
«Mikałaj Mikałajevič?»
«Tak».
«Dobry dzień! Z „Našaj Nivy“ turbujuć. Učora źjaviłasia infarmacyja pra vaš aryšt…»
«Adkul vy?»
«Hazieta «Naša Niva».
«Prabačcie, da pabačeńnia».
Pry chatnich aryštach časam dazvalajuć, a časam nie dazvalajuć razmaŭlać pa telefonie. Naprykład,
Irynie Chalip i Uładzimiru Niaklajevu nie davali karystacca mabilnikami i internetam. A voś milicyjant Dzinas Linkus davaŭ «NN» intervju pad chatnim aryštam.
Varta taksama zaŭvažyć, što ŭ čaćvier na admysłovaj naradzie Alaksandr Łukašenka žorstka skrytykavaŭ pracu Kiraŭnictva spravaŭ prezidenta.
Kamientary