Syrski ŭpieršyniu raspavioŭ pra svoj kanflikt z eks-ministram abarony Michaiłam Fiodaravym
«Jon ličyŭ, što lepš viedaje našy patreby». U intervju BBC Alaksandr Syrski zajaviŭ, što pryčynaj sprečak ź Michaiłam Fiodaravym byli finansavańnie armii i zakupki ŭzbrajeńniaŭ.
Pavodle byłoha hałoŭnakamandujučaha, Fiodaraŭ addavaŭ pieravahu zakupkam dronaŭ, ihnarujučy inšyja patreby vojskaŭ. U vyniku armii nie chapała naziemnych robataŭ i inšaha abstalavańnia. Sam eks-ministr raniej abvinavačvaŭ Syrskaha ŭ błakavańni inicyjatyŭ i intryhach.
Jak patłumačyŭ hienierał, Hienštab składaŭ płan zakupak na padstavie zajavak ad vojskaŭ. Adnak ministr, pavodle Syrskaha, raźmiarkoŭvaŭ hrošy pavodle ŭłasnych pryjarytetaŭ: naprykład, finansavaŭ zakupki dronaŭ adrazu na hod, tady jak zakupki naziemnych rabatyzavanych kompleksaŭ i inšaha nieabchodnaha abstalavańnia nie pravodzilisia.
«Jon ličyŭ, što lepš viedaje našy patreby, što možna nie źviartać uvahi na našy patreby», — skazaŭ Syrski.
Na pytańnie, ci byŭ jon suprać pavieličeńnia zakupak dronaŭ, hienierał adkazaŭ admoŭna. Jon kaža, što front treba zabiaśpiečvać zbałansavana: adnačasova zakuplać bieśpiłotniki, bojeprypasy, naziemnych robataŭ i transpart. Pry hetym, pavodle jaho, navat pastaŭki dronaŭ byli vykananyja tolki napałovu.
Fiodaraŭ paśla svajho zvalnieńnia vykazvaŭ supraćlehłyja pretenzii. Jon śćviardžaŭ, što Syrski pieraškadžaŭ pracy ministerstva, jakoje zekanomiła kala 100 miljonaŭ dołaraŭ na tendarach pa zakupcy artyleryjskich snaradaŭ i jašče miljardy — na zakupkach dronaŭ.
«Ja sutyknuŭsia z tym, što našy inicyjatyvy prosta błakavalisia. Syrski akazaŭsia hatovym pleści intryhi, havaryć za śpinaj i śćviardžać, nibyta suprać jaho niechta «zamoviŭ kampaniju», — zajaŭlaŭ eks-ministr abarony.
Uładzimir Zialenski, tłumačačy zvalnieńnie ŭ 2026 hodzie abodvuch, kazaŭ, što kanflikt uźnik praz umiašańnie ŭ čužuju śfieru adkaznaści. Na pytańnie, chto mienavita ŭmiešvaŭsia, Syrski adkazvać nie staŭ i adznačyŭ, što rašeńnie ab zvalnieńni było ŭ paŭnamoctvach prezidenta.
Ciapier čytajuć
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju99
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy55
Kamientary
To bok u ZSU isnavali 2 sistemy płanavańnia zakupak: kłasičnaja "hienštabaŭskaja" i fiodaraŭskaja. Ale Syrski łukavić - Fiodaraŭ raźmiarkoŭvaŭ hrošy nie na padstavie ŭłasnych pryjarytetaŭ, a taksama na padstavie zajavak ad vojskaŭ. Voś tolki zadavalnilisia jany Syrskim i Fiodaravym pa roznych padychodach. Jakim zajaŭkam Syrski davaŭ chod, a jakim - nie, i pa jakich kryteryjach - hetaha Syrski nie tłumačyć. U hetaj suviazi Syrskaha nieadnarazova paprakali ŭ favarytyźmie. A voś u Fiodarava tut usio było prazrysta - kožny bajavy pośpiech padraździaleńni ZSU vieryfikavali praź inavacyjnuju infarmacyjnuju sistemu DELTA, jakaja raspracoŭvałasia ad samoha pačatku vajny. Za heta paśpiachovyja padraździaleńni ZSU atrymlivali E-bały ŭ adpaviednaści sa svajaasablivym prejskurantam, i za ich naŭprost zamaŭlali na markietpłejsie Brave1 Market kankretnuju zbroju i amunicyju, abminajučy doŭhi intendancki łancuh. Adnačasovaja heta infarmacyja vykarystoŭvałasia dla apieratyŭnych źmienaŭ ŭ ahulnuju strukturu zabiaśpiačeńnia vojska. To bok užo nie vajskovyja čynoŭniki, a mienavita paśpiachovyja vajskovyja padraździaleńni nizkaha uzroŭniu faktyčna vyrašali, što i pa jakich koštach nabudzie MA dla ZSU, a vajskovym čynoŭnikam pakidałasia rola supravadžeńnia zaklučanych sistemaj Brave1 Market ździełak pa zakupu zbroi i amunicyi. Zrazumieła, što šmat kaho z vajskovych čynoŭnikaŭ hety padychod pazbaviŭ karmuški, bo łabistam vytvorcaŭ uzbrajeńniaŭ stała niezrazumieła, da kaho iści z chabarami i adkatami. I naadvarot, narešcie šans atrymali vytvorcy z najlepšymi pakazčykami koštu/efiektyŭnaści z kropki pohladu niepasrednych spažyŭcoŭ.
Sistema Fiodarava pryncypova adroźnivajecca ad bolšaści navat niekarumpavanych tendernych sistem, dzie spačatku žorstka i nie zaŭsiody ŭdała farmulujucca minimalnyja patrabavańni, paśla čaho hałoŭnym kryteryjem vybaru zastajecca tolki cana. U vyniku niemahčyma nabyć nienašmat daražejšy, ala našmat lepšy tavar albo pasłuhu.