U čaćvier na Pieršym nacyjanalnym kanale Biełaruskaha radyjo prachodzić tematyčny dzień, pryśviečany razvićciu biełaruska‑kubinskich adnosinaŭ.
Na praciahu dnia ŭ infarmacyjnych i hramadska‑palityčnych prahramach vystupiać pradstaŭniki dypłamatyčnych misij abiedźviuch krain, a taksama parłamientaryi, psichołahi, ekanamisty, navukoŭcy, pradstaŭniki hramadskich arhanizacyj, vieterany. U efiry pieradač «Radyjofakt», «Pastfaktum», «Aktualny mikrafon», «Padziei: fakty i kamientaryi» prahučać kamientaryi nakont razvićcia palityčnaha dyjałohu pamiž dźviuma dziaržavami, supracoŭnictvie ŭ Ruchu niedałučeńnia, uzajemnaj padtrymcy na mižnarodnaj arenie.
Pabracimskija suviazi Minska i Havany — tema pieradačy «Siońnia i zaŭtra», a ab maładziožnym fiestyvalnym ruchu raskažuć u prahramie «Adkrytaja placoŭka» pradstaŭniki biełaruskich maładziožnych arhanizacyj. Pra tradycyi i zvyčai kubinskaha naroda, asablivasci nacyjanalnaj kuchni ŭ ramkach «Siamiejnaha radyjo» raskažuć słuchačam sami kubincy, jakija pražyvajuć u Biełarusi. A z litaraturaj, muzykaj, historyjaj Kuby paznajomiać aŭdytoryju daśledčyki ŭ pieradačy «Kulturnaja prastora». U tematyčnych kancertnych prahramach prahučać piesni i muzyka žycharoŭ dalokaha vostrava...