Juryj Zisier: Radzina, ja vas pasadžu!

14–15 lutaha ŭ Vienie prachodzić kanfierencyja «Internet-2013: farmiravańnie palityki pa abaronie svabody ŚMI».

Ad Biełarusi, akramia aficyjnaj delehacyi ŭ ABSIE, byli zaprošany hałoŭnaja redaktarka sajta Charter97.org Natalla Radzina, namieśnik načalnika Apieratyŭna-analityčnaha centra pry prezidencie Uładzimir Rabavołaŭ, uładalnik partała TUT.by Juryj Zisier i internet-daśledčyk Michaił Daraševič.

Jak paviedamlaje Charter97.org, niepasredna ABSIE zaprasiła na kanfierencyju tolki Radzinu i Daraševiča, a Rabavołaŭ i Juryj Zisier byli zaprošany pa rekamiendacyi Ministerstva zamiežnych spravaŭ Biełarusi.

Siońnia namieśnik načalnika AAC vystupiŭ na paneli «Kiravańnie internetu množnymi udzielnikami».

Adnosna isnavańnia «čornych śpisaŭ», u jakija trapili apazicyjnyja internet-resursy, uklučajučy sajt charter97.org, «Biełaruski partyzan», pravaabarončaha centru «Viasna» i navat błohi, Riabovołov zajaviŭ, što «dziaržava maje prava vyrašać, što rabić ludziam u dziaržaŭnych ustanovach. Na pracy jany pavinny pracavać, a nie čytać sajt «Chartyja-97». I naohuł, skazaŭ jon, dziaržava rehuluje internet u krainie ŭ tym liku i tamu, što jana stvaraje nacyjanalnaje zakanadaŭstva.

Paśla Rabavołava vystupiła hałoŭnaja redaktarka ​​charter97.org Natalla Radzina, jakaja patłumačyła prysutnym, jak na samoj spravie pracuje ŭ Biełarusi ŭkaz Łukašenki «Ab rehulavańni internetu» i što ź siabie ŭjaŭlaje AAC.

Pierš za ŭsio, adznačyła žurnalistka, AAC pry Łukašenku — heta śpiecsłužba, jakaja była stvorana dla cenzury internetu ŭ krainie.

«U ich navat hieraldyka, jak u KDB, a były ich načalnik siońnia ŭznačalvaje Kamitet dziaržbiaśpieki», — adznačyła žurnalistka.

Zhodna z ukazam Łukašenki, internet-pravajdary viaduć rehistracyju karystalnikaŭ i zachoŭvajuć infarmacyju pra akazanyja im internet-pasłuhach, a pa rekamiendacyi AAC stvorany śpis sajtaŭ, dostup da jakich zabłakavany ŭ dziaržaŭnych ŭstanovach.

«Pakolki amal usia ekanomika ŭ Biełarusi dziaržaŭnaja, niezaležnyja internet-sajty ŭ śledstva hetaha ŭkaza hublajuć vielizarnuju aŭdytoryju. Sajt charter97.org, naprykład, u 2010 hodzie, kali byŭ pryniaty ŭkaz, nie tolki patrapiŭ u hetyja „čornyja śpisy“, ale ŭ hetym ža hodzie byŭ zabity zasnavalnik sajta Aleh Biabienin, redakcyja sajta dvojčy była padvierhnutaja pieratrusam i kanfiskacyi ŭsioj techniki, žurnalistaŭ, u tym liku mianie, redaktarku, aryštavali. Ciapier pradstaŭnik AAC vychvalajecca pierad ABSIE admienaj „pašpartnaha kantrolu“ u internet-kafe. Heta, akazvajecca, vielizarny prahres! A što jon moža skazać, naprykład, pra toje, kali rasśledujuć hibiel Aleha Biabienina, Dźmitryja Zavadskaha, Vieraniki Čarkasavaj?

Dzie vaša „svaboda vykazvańnia“, kali ŭ krainie niama niezaležnaha telebačańnia, radyjo i amal nie zastałosia niezaležnyja haziet?

Žurnalistka taksama padkreśliła druhi važny aśpiekt: pavodle ŭkazu Łukašenki, sajty biełaruskich firmaŭ i pradpryjemstvaŭ byli pazbaŭleny prava mieć chostynh za miažoj.

«Čamu na hetuju kanfierencyju MZS parekamiendavaŭ zaprasić Juryja Zisiera, i na hetym mierapryjemstvie jon nierazłučny z pradstaŭnikom AAC? Tamu što jon vałodaje najbujniejšaj chostynhavaj kampanijaj u Biełarusi i ŭ vyniku hetaha ŭkaza atrymaŭ zvyšprybytak.

Reakcyja Juryja Zisiera na vystup redaktarki charter97.org była takoj. Biźniesmien vyhuknuŭ: «Za karupcyju ja vas pasadžu! Možacie ŭ Biełaruś nie viartacca!».

• 0
• 0
• 0
• 1
• 0
• 0
• 0
• 0