Śviet44

Samit G7 skončyŭsia biez zajavy pra Ukrainu. Zialenski i Tramp pakinuli jaho daterminova

Lidary krain «Vialikaj siamiorki» na samicie ŭ Kanadzie paabiacali akazać Ukrainie dadatkovuju padtrymku, ale nie pryniali sumiesnuju zajavu nakont vajny — jak paviedamlajuć krynicy, z-za pazicyi ZŠA, jakija vystupili suprać žorstkich farmulovak z asudžeńniem rasijskaha ŭvarvańnia, piša Bi-bi-si.

Na piarednim płanie premjer Kanady Mark Karni, pieršy źleva dziaržsakratar ZŠA Marka Rubia. Fota: Mark Schiefelbein / AP 

Prezident Ukrainy Uładzimir Zialenski pakinuŭ sustreču daterminova — tak ža, jak i kiraŭnik Biełaha doma Donald Tramp.

Haspadar samitu, premjer-ministr Kanady Mark Karni, admaŭlaŭ najaŭnaść razychodžańniaŭ, chacia i pryznaŭ, što niekatoryja krainy nie źbiralisia abmiažoŭvacca tym, što było vykładziena ŭ jaho karotkaj zajavie pa vynikach sustrečy.

Tym nie mienš, Karni zajaviŭ, što hety samit «moža pakłaści pačatak novaj ery supracoŭnictva, jakaja budzie spryjać doŭhaterminovaj ustojlivaści, a nie karotkaterminovaj efiektyŭnaści».

Paradak dnia sustrečy daviałosia pierahledzieć z-za kanfliktu pamiž Izrailem i Iranam, jaki prymusiŭ prezidenta ZŠA Donalda Trampa daterminova viarnucca z samitu ŭ Vašynhton. Pakolki kiraŭnik Biełaha doma nie zastaŭsia na apošni dzień samitu, jon nie zmoh sustrecca ź Zialenskim.

Karni zajaviŭ, što całkam razumieje rašeńnie prezidenta ZŠA, a francuzski lidar Emanuel Makron nazvaŭ «niavietlivym» pytańnie adnaho z žurnalistaŭ pra toje, ci nie pieratvaryłasia hrupa ciapier de-fakta ŭ «Vialikuju šaściorku». Ale daterminovy adjezd Trampa nadaŭ sustrečy adčuvańnie niezavieršanaści, pišuć analityki.

Uśled za amierykanskim prezidentam samit daterminova pakinuŭ i prezident Ukrainy Uładzimir Zialenski — padstavaj staŭ masiravany rasijski abstreł Kijeva ŭ noč na 17 červienia, u vyniku jakoha tolki ŭ stalicy Ukrainy zahinuli prynamsi 26 čałaviek.

Dla prezidenta Zialenskaha raptoŭny adjezd Trampa staŭ niepryjemnaj niečakanaściu: u Kijevie raźličvali na dvuchbakovuju sustreču dvuch prezidentaŭ na palach samitu, pra što raniej kazaŭ kiraŭnik ofisa prezidenta Andrej Jermak.

Ci płanavałasia zajava pra Ukrainu?

Jak piša hazieta Wall Street Journal, Zialenski nie dasiahnuŭ toj padtrymki, na jakuju raźličvaŭ. Pierad adjezdam jon zajaviŭ, što Ukrainie nieabchodnaja štohadovaja finansavaja dapamoha.

«Nadzvyčaj važna mieć štohadovuju biudžetnuju padtrymku Ukrainy ŭ pamiery 40 miljardaŭ dołaraŭ, kab zabiaśpiečyć našu ŭstojlivaść i zdolnaść našaj krainy praciahvać baraćbu. Heta pavinna być sumiesnaje rašeńnie lidaraŭ G7, u tym liku ZŠA», — skazaŭ jon.

Zialenski taksama zaklikaŭ lidaraŭ krain «siamiorki» pracavać z ZŠA nad uviadzieńniem dalejšych abmiežavańniaŭ na canu rasijskaj nafty i praciahvać cisnuć na Trampa z tym, kab jon vykarystaŭ svoj realny ŭpłyŭ dziela spynieńnia vajny.

«Siońnia ŭ nas jość kankretnyja rašeńni pa pavieličeńni vajskovaj padtrymki, novyja tranšy dapamohi za košt zamarožanych rasijskich aktyvaŭ, dadatkovyja sankcyi suprać taho, što padsiłkoŭvaje rasijskuju vajnu. Važna, što partniory hatovyja nie tolki padtrymlivać našu abaronu zaraz, ale i razam adnaŭlać Ukrainu paśla zakančeńnia vajny», — tak Zialenski apisaŭ vyniki samitu ŭ svaim telehram-kanale.

Kanada i Vialikabrytanija abviaścili pra ŭviadzieńnie bolš žorstkich sankcyj suprać rasijskaha cieniavoha fłotu. WSJ adznačaje, što lidarami krain «siamiorki» była vykazanaja padtrymka Ukrainie ŭ sacyjalnych sietkach, ale ŭ vynikovym kamiunikie G7 nie źmiaščałasia nastolki rašučaje asudžeńnie dziejańniaŭ Rasii, jak u papiarednija hady.

Jak paviedamiła napiaredadni ahienctva Reuters sa spasyłkaj na kanadskich aficyjnych asob, žorstkaj zajavy ŭdzielnikaŭ samitu nie atrymałasia z-za pazicyi ZŠA.

Pra heta ž pisała televizijnaja kampanija CBC sa spasyłkaj na ananimnaha pradstaŭnika ŭrada Kanady.

«Amierykancy nie chacieli bačyć u tekście niekatoryja vostryja zajavy ŭ adras Rasii, tamu što bajalisia, što heta pieraškodzić ich pieramovam z hetaj krainaj ab zaviaršeńni vajny», — pieradaje słovy hetaha aficyjnaha pradstaŭnika kanadskaja teleradyjokampanija CBC.

Adnak Emili Uiljams, dyrektar pa suviaziach ź ŚMI premjer-ministra Marka Karni, paźniej zajaviła, što nijakaj zajavy pa Ukrainie i nie płanavałasia.

Kamientary4

  • Anatol Starkou
    18.06.2025
    Vidavočna, što kapiec Ukrainie. Zrujnujuć jaje ŭ lapiošku. Spadar Tramp daŭ na heta zialonaje śviatło. A naš Ryhoravič staŭ palitykam miravoho ŭzroŭnia. Chutka Polšča prypaŭzie na kaleniach, a inakš Biełaruś zrobić z Polščy viečnuju. Nie vyklučna, što viarniem uzad Biełastok
  • Kaljan
    18.06.2025
    U mienia takoje tožie było. Pojechał k tovariŝu, čtoby viernuť dołh, a on pieried samym mojem prijezdom ujechał, i mnie prišłoś viernuťsia obratno
  • Prosta žychar
    18.06.2025
    Anatol Starkou , vy tam u Bruklinie časam nie padchapili ad Trampa virus łapidarnaści?
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie8

Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie

Usie naviny →
Usie naviny

U Minsku značna vyraśli taryfy na evakuacyju aŭtamabila i štrafstajanku2

Biełarus napaŭ na chłopčyka ŭ maskoŭskim aeraporcie. Dzicia ŭ komie24

11-hadovy školnik hulaŭsia z poracham u babuli i atrymaŭ mocnyja apioki hałavy1

Viadomuju minskuju trenierku pa tancach asudzili za palityku5

Tur abiacaje kampramat na tych, chto praz tyktok skardzicca na ŭłady28

Va Ukrainie zahinuŭ 42-hadovy vykładčyk Połackaha ŭniviersiteta, jaki pajšoŭ vajavać za Rasiju37

Vyzvaleny z turmy ŭ Biełarusi hramadzianin Łatvii: Za try hady straciŭ 26 kiłahramaŭ i całkam pasivieŭ12

Maładyja biełarusy nabyli dom za 42 rubli i pieraroblivajuć jaho ŭ zdymačnuju placoŭku3

U Azierbajdžanie vykładčyka asudzili na 15 hadoŭ za pierapisku z armianami2

bolš čytanych navin
bolš łajkanych navin

Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie8

Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie

Hałoŭnaje
Usie naviny →

Zaŭvaha:

 

 

 

 

Zakryć Paviedamić