Jermakova: Naša ekanomika biez kredytu MVF nie zahniecca

Nacbank Biełarusi nie budzie adnaŭlać valutnaje kredytavańnie fizičnych asobaŭ. Ab hetym siońnia žurnalistam paviedamiła kiraŭnik Nacbanka Nadzieja Jermakova.

Jak raniej paviedamlałasia, na pasiadžeńni Savieta ministraŭ 13 lutaha prem'jer-ministr Michaił Miaśnikovič zajaviŭ pra metazhodnaść dazvolić valutnaje kredytavańnie fizičnych asob na budaŭnictva žylla i prasiŭ Nacbank padtrymać jaho pazicyju. Pa słovach premjera, u hetym hodzie abjom srodkaŭ nasielnictva, jaki nakiroŭvajecca na budaŭnictva žylla, pavinien vyraści bolš čym na 15 trłn. rubloŭ. «I biez naležnaj kredytnaj padtrymki pa dastupnym pracentnych staŭkach realizavać heta budzie prosta niemahčyma», — padkreśliŭ Miaśnikovič.

Adnak, miarkujučy pa słovach Jermakovaj, Nacbanku ŭdałosia pierakanać kiraŭnika ŭrada.

Jak paviedamiła Jermakova, mahčymaść adnaŭleńnia valutnaha kredytavańnia fizičnych asob na budaŭnictva žylla Nacbank abmiarkoŭvaŭ z kiraŭnikami bolšaści biełaruskich bankaŭ. Jany kateharyčna zapiarečyli suprać takoj mahčymaści.

«Siońnia niama nieabchodnaści admianiać rašeńnie ab spynieńni valutnaha kredytavańnia. Šmat prablem było z devalvacyjaj u nasielnictva», — reziumavała Jermakova.

Akramia taho, dadała jana, niama čaho farmavać u ludziej mierkavańnie, što biełaruski rubiel «ŭžo nikudy nie varty» i «tolki valuta nas vyratuje». «Nam valuta patrebna dla inšych metaŭ», — padkreśliła kiraŭnik Nacbanka.

Zrešty, dadała jana, tearetyčna mahčyma viernucca da abmierkavańnia hetaha pytańnia praz hod ci dva.

Jermakova taksama paviedamiła, što na hetym tydni dziaržaŭnyja banki prymuć rašeńnie, jakim čynam kredytavać budaŭnictva žylla. Havorka idzie pra kredyty dla majučych patrebu, patłumačyła jana.

Kiraŭnik Nacbanka taksama zajaviła, što prahnoz pa źnižeńni staŭki refinansavańnia da kanca hoda da 13–15% hadavych nichto nie admianiaŭ.

Heta — meta, da jakoj treba imknucca, tak jak vysokija staŭki — tormaz ekanomiki, padkreśliła Jermakova.

Razam z tym, na jaje dumku, śpiašacca nie treba ni ŭ jakim razie, nieabchodna ŭličvać inflacyju i inšyja ekanamičnyja pakazčyki, inakš situacyja moža vyjści z-pad kantrolu.

U jakaści stanoŭčaj tendencyi Jermakova adznačyła źnižeńnie i stabilizacyju stavak na rynku mižbankaŭskich kredytaŭ, paviedamlaje BiełaPAN.

«Kali niechta dumaje, što biez kredytu MVF naša ekanomika zahniecca, to — nie zahniecca naša ekanomika»,

Vizit misii MVF čakajecca ŭ krasaviku.

• 0
• 0
• 0
• 0
• 0
• 0
• 0
• 0