Padčas apieratyŭna-vyšukovych mierapryjemstvaŭ apieratyŭnikami ŭpraŭleńnia pa narkakantroli i supraćdziejańni handlu ludźmi HUUS Minska sumiesna z bajcami SOBR unutranych vojskaŭ MUS Biełarusi praviedzieny šerah paśpiachovych zatrymańniaŭ raspaŭsiudžvalnikaŭ mietadonu, siarod jakich apynulisia i asoby cyhanskaj nacyjanalnaści.
Jak paviedamili ŭ HUUS, vynikam apieracyj stała kanfiskacyja mietadonu ahulnaj vahoj zvyš 50 h(košt zabranaha rečyva, ź jakoha mahło atrymacca prykładna 200 doz, na "čornym" rynku varjirujecca ŭ miežach 6.000-7.000 dalaraŭ ZŠA).
Adnym z zatrymanych apynuŭsia 27-hadovy minčanin, jon taksama atrymaŭ častku partyi narkotyku dla nastupnaj realizacyi. Małady čałaviek, jaki ŭžo maje sudzimaść za niezakonny abarot narkotykaŭ i bolš za 10 hadoŭ sam spažyvaje mietadon, byŭ zatrymany na svajoj kvatery. Pry ahladzie byŭ znojdzieny i skrutak sa śpiecyfičnym tavaram.
Razam ź nieadbyŭšymsia narkahandlarom była zatrymanaja i jaho sužycielka, jakaja taksama kala piaci hadoŭ nie moža pazbavicca ad zaležnaści mienavita ad mietadonu. Na dadzieny momant ich dziejańniam dajecca pravavaja acenka.
Dačynieńnie inšych zatrymanych da sproby zbyć bujnuju partyju niebiaśpiečnaha narkotyku vyśviatlajecca.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku14
Kamientary