Elektronnaja apłatnaja sistema Skrill, zasnavanaja ŭ Łondanie, pačała błakavać rachunki biełarusaŭ. Karystalniki atrymlivajuć paviedamleńni, što «sankcyjnyja abmiežavańni ŭpłyvajuć na mahčymaść akazańnia pasłuh u vašaj krainie», piša Office Life.
Zakryćcio rachunkaŭ adbyvajecca adrazu, i dostup da hrošaj u hety dzień užo niemahčymy. Pry hetym u paviedamleńniach padkreślivajecca, što heta rašeńnie źviazana z narmatyŭnymi i sankcyjnymi abmiežavańniami, a nie z asabistaj dziejnaściu karystalnika.
Z pačatku sakavika takija paviedamleńni stali atrymlivać i rasijskija karystalniki. Błakujucca ŭsie rachunki, zarehistravanyja na biełaruski abo rasijski pašpart, a taksama kali hetyja krainy paznačany jak miesca pražyvańnia. Vyvieści hrošy možna tolki na bankaŭski rachunak na imia ŭładalnika, ale biełaruskija i rasijskija banki dla hetaha nie padychodziać z-za sankcyj.
Da 2022 hoda biełarusy mahli karystacca Skrill z abmiežavańniami, u tym liku nielha było rehistravać novyja rachunki.
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary