Z časoŭ Pieršaj suśvietnaj vajny, dziakujučy niamieckim žaŭnieram, zastalisia tysiačy paštovak z krajavidami Biełarusi. Padčas Druhoj suśvietnaj šmat chto ź niemcaŭ užo mieŭ asabistyja fotakamiery i sami rabiŭ nievialikija zdymki.
Na internet-aŭkcyjonach možna znajści tysiačy maleniečkich kartak, dzie adlustravany umovy žyćcia našaha naroda, krajavidy viosak i miastečak. Vielmi šmat zachavałasia vyjavaŭ i stalicy Biełarusi, častka ź jakich pradajecca na niamieckim ebay.de.
U Minsku zachopnikaŭ najbolš cikavili značnyja budynki – Dom Uradu, Dom Čyrvonaj armii (Dom aficeraŭ) i Opierny teatr. Najbolš papularnym byŭ pomnik Leninu, na siońniašniaj płoščy Niezaležnaści. Možna pabačyć, što pomnik Iljiču prybrali ŭžo u kastryčniku 1941 hoda, praź niejki čas źnikaje i pastamient ad jaho. Na kartkach vidać i paciarpieły ad bambavańnia Minsk. Papiališčy i acalełyja budynki. Vielmi mała pradstaŭlena žycharoŭ horada. Moža zdymki ź imi prosta nie cikaviać kalekcyjanieraŭ?
Darečy, u savieckaj litaratury zhadvajecca, što Minsk byŭ całkam źniščany niamieckaj avijacyjaj padčas napadu na SSSR. Ale ŭ stalicu BSSR niemcy ŭvarvalisia 28 červienia – na siomy dzień vajny. Značycca bambavać jaho mahli maksimum siem dzion. Ale ž i savieckaja avijacyja taksama rabiła naloty na biełaruski horad. I doŭžyłasia heta try hady. Jašče za savieckim časam maja nastaŭnica biełaruskaj movy i litaratury raskazvała, što za źniščeńnie Domu urada savieckim lotčykam abiacali zorku Hieroja SSSR. Hety rajon žach jak bambili, ale nia zdoleli značna paškodzić budynak urada, a taksama i Čyrvony kaścioł. Chacia ŭsia draŭlanaja zabudova ŭ vakolicy była źniščana.
Kaštujuć zdymki ad 2 da 10 jeŭra bieź pierasyłki. Kupu fatkartak možna nabyć i za dvaccatku. Chacia sustrakajucca pradaŭcy, jakija chočuć da 100 jeŭra za zdymak.
Kamientary