Minskim haradskim sudom da dzieviaci hadoŭ i troch miesiacaŭ pazbaŭleńnia voli va ŭmovach strohaha režymu i kanfiskacyi majomaści pryhavorany43-hadovy minčanin, raniej nieadnarazova sudzimy za majomasnyja złačynstvy.
Jak paviedamii ŭ prakuratury Minska, pradstaŭnik jakoj padtrymlivaŭ dziaržabvinavačańnie, paciarpiełymi pa hetaj spravie prachodzili 35 čałaviek.
Minčanin pryznany vinavatym va ŭčynieńni złačynstvaŭ, praduhledžanych č. 3 art. 89 KK u redakcyi 1960 hoda (razboj), č. 2 art. 205 KK (kradziež), č.č. 2 i 4 art. 209 KK (machlarstva), č. 1 art. 14 KK i č. 3 art. 209 KK (zamach na machlarstva), art. 382 KK (samavolnaje prysvajeńnie zvańnia ci ŭłady słužbovaj asobaj), č. 5 st. 16 i č. 3 st. 431 (padbuchtorvańnie da davańnia chabaru).
Niekalki epizodaŭ, źviazanych z razbojem, adnosiacca da 1996 hoda. Jany datyčacca napadaŭ na kvatery, padčas jakich vykradalisia hrošy, kaštoŭnaści, asabistyja rečy hramadzian.
22 paciarpiełyja asoby prachodziać pa epizodach 2003 hoda, źviazanych z machlarstvam. Znachodziačysia ŭ miescach pazbaŭleńnia voli, abvinavačany telefanavaŭ hramadzianam, nazyvajučy siabie dydžejem, jaki nibyta pravodzić viktarynu, prasiŭ adkazać na niekalki pytańniaŭ. Pieramožcam hetaj «viktaryny» jon abjaŭlaŭ, što jany vyjhrali dva mabilnyja telefony. Kab atrymać ich, treba nabyć karty
Čatyry epizody datyčacca padbuchtorvańnia da davańnia chabaru. Jany adnosiacca da 2004–2012 hadoŭ.Iznoŭ ža, znachodziačysia ŭ miescach pazbaŭleńnia voli, abvinavačany ŭvachodziŭ u davier da sakamiernikaŭ, raskazvaŭ, što maje ŭpłyvovych znajomych na voli, i padbuchtorvaŭ da davańnia chabaru pradstaŭnikam pravaachoŭnych i sudovych orhanaŭ za vyrašeńnie roznych pytańniaŭ, u pryvatnaści pra źmiakčeńnie pakarańnia. Sumy chabaru byli ŭ miežach 9–10 tysiač dołaraŭ.
Prysud Minskaha haradskoha suda byŭ abvieščany 28 lutaha i nabyŭ moc.
