Arhientynski sud pakaraŭ kolišniaha dyktatara i dyvizijnaha hienierała ŭ adstaŭcy Rejnalda Bienitu Bińjone pažyćciovym źniavoleńniem za złačynstvy suprać čałaviectva.
Heta ŭžo čaćviorty abvinavaŭčy prysud 85-hadovamu Bińjone. U 2010 i 2011 hadach pavodle takich samych abvinavačvańniaŭ jaho ŭžo pakarali pažyćciovym źniavoleńniem, a taksama turemnymi terminami 25 i 15 hadoŭ.
Fiederalny sud № 1 pryznaŭ Bińjone, jaki kiravaŭ Arhientynaj ŭ 1982--83 hadach, vinavatym u vykradańni ludziej, katavańniach dy inšych złačynstvach, jakija adbyvalisia ŭ padpolnaj turmie na terytoryi samaj bujnoj vajskovaj bazy krainy «Kampa de Majo».
Siarod 23 čałaviek, pryznanych sudom pa hetaj spravie paciarpiełymi — žančyny, jakija byli ciažarnyja, kali znachodzilisia ŭ turmie na vajskovaj bazie.
Razam z byłym dyktataram pažyćciovym źniavoleńniem pakaranyja kolišnija vysokapastaŭlenyja arhientynskija vajskoŭcy Santjaha Amar Ryvieras, Łuis Sadzi Piepa, Eduarda Karada i Karłas Masedra. Jašče čaćviora byłych vajskoŭcaŭ atrymali ad 25 da 16 hadoŭ turmy.