Kiraŭnik Nacyjanalnaha banka Biełarusi Nadzieja Jermakova ličyć metazhodnym praviadzieńnie denaminacyi ŭ 2014 hodzie pry ŭtrymańni inflacyi ŭ 2013 hodzie na ŭzroŭni 12%.Ab hetym jana zajaviła siońnia žurnalistam.
«Ja dumaju ab denaminacyi, ale pakul inflacyja nie daje mahčymaści hetaha zrabić. Kali ŭ nas budzie inflacyja na kaniec hoda na ŭzroŭni zapłanavanaj, to ab denaminacyi ŭžo možna budzie kazać», — skazała Nadzieja Jermakova.
Razam z tym kiraŭnik Nacbanka źviarnuła ŭvahu, što nie adna jana prymaje rašeńnie ab denaminacyi. «Denaminacyja — heta surjoznaje pytańnie», — dadała kiraŭnik banka.
Nadzieja Jermakova taksama zakranuła mahčymaść uviadzieńnia adzinaj valuty ŭ Sajuznaj dziaržavie. «Uviadzieńnie adzinaj valuty mahčyma tolki tady, kali buduć vyrašany ŭsie astatnija pytańni: padatkovyja, mytnyja i inšyja», — skazała jana. «Tamu ab adzinym rubli razmovu vieści pakul rana», — adznačyła kiraŭnik Nacbanka, dadaŭšy, što takoha ž mierkavańnia prytrymlivajecca Centrabank Rasii.
Kamientary