Onłajn-repartažy z futbolnych paloŭ pad akampanement emocyj zaŭziataraŭ u prostym etery abiacaje sajt Match.by. Čarhovy repartaž — siońnia.
Barysaŭski «BATE» ŭ sieradu 8‑ha žniŭnia musić aformić de‑iure svoj vychad u 3‑ci kvalifikacyjny raund Lihi Čempijonaŭ. Nahadajem, što ŭ haściavym pajadynku ŭ krainie hiejzieraŭ našyja suajčyńniki vyjhrali ź likam 3:1. Za hulnioj u adkaz možna budzie sačyć onłajn na novym sajcie — www.match.by.
Matč, jaki pačniecca a 19‑00, budzie ŭ centry ŭvahi na novym i ŭnikalnym dla bajnetu resursie — www.match.by — jaki adkryvajecca mienavita 8‑ha žniŭnia pramym efiram z Barysava.
Prajekt match.by byŭ stvorany admysłova dla praviadzieńnia internet‑tranślacyj futbolnych matčaŭ z udziełam biełaruskich kamandaŭ. Pramyja tranślacyi hulniaŭ na www.match.by — heta padrabiazny štochvilinny kamientar da padziejaŭ na poli, onłajn‑abnaŭleńnie statystyčnych pakazčykaŭ (kartki, udary pa varotach, niebiaśpiečnyja momanty, zamieny, vałodańnie miačom, etc.). Padčas efiru internet‑hledačy mohuć vyploskvać svaje emocyi ŭ žyvym čacie. Tranślacyi arhanizavanyja na dźviuch movach — biełaruskaj i ruskaj.
Nastupnymi paśla pajadynku «BATE» — «Chabnarf́jordziur» tranślavacca na match.by buduć 2 hulni 16‑ha turu Čempijanatu Biełarusi: 11‑ha žniŭnia — matč «Dynama‑Minsk» — «Daryda», 12‑ha žniŭnia — sustreča «MTZ‑RIPA» — «FK Homiel».
-
Vyznačylisia čatyry mahčymyja supierniki minskaha «Dynama» ŭ pieršym raŭndzie kvalifikacyi Lihi čempijonaŭ
-
Čarhovy matč na novym Nacyjanalnym stadyjonie ŭ Minsku pačnuć z 13-j chviliny
-
Biełaruska, jakaja asudziła represii i rasijskuju ahresiju, stała miedalistkaj prestyžnych lohkaatletyčnych spabornictvaŭ
Kamientary