Pierad matčam 3-ha tura čempijanatu Biełarusi «Dniapro» -- «Dynama» Minsk, jaki adbyŭsia ŭ subotu ŭ Mahilovie, adbyŭsia skandalny incydent, paviedamlaje Belultras.by.
«Davoli viadomy supracoŭnik AMAPa Uładzimir R. pierad matčam spyniŭ adnaho z zaŭziataraŭ minskaha «Dynama» dla pravierki dakumientaŭ, ale zrazumieŭšy, što z dakumientami ŭsio ŭ paradku, pačaŭ rabić pieratrus.U zaŭziatara «Dynama» byli znojdzienyja stykiery, jakija i pasłužyli padstavaj dla zatrymańnia i pravierki źmiestu nadrukavanaha.
U adździaleńni milicyi zaŭziataru «Dynama» było naniesiena niekalki udaraŭ u cieła, pry sprobie patelefanavać, znoŭ ža kułakami było rastłumačana, što hetaha rabić nie treba.Paśla ŭsiaho hetaha zaŭziatara minskaha «Dynama» prymusili źniać kurtku i pajści ŭ kłubnaj atrybutycy «Dynama» pobač z fanatami «Dniapra», što źjaŭlajecca viercham cynizmu. Varta hetak ža adznačyć, što zaŭziatary «Dniapra», bačačy, jak čałavieka vyvodziać z adździaleńnia milicyi, pastavilisia da jaho bieź lišniaj ahresii, skazaŭšy:
«Dla Mahilova heta narmalnaja situacyja», - havorycca ŭ paviedamleńni sajta.
Nahadajem, R. viadomy pa našumiełym skandale na matčy 2011 hoda pamiž minskim «Dynama» i «Biełšynaj», padčas jakoha kala siektara fanataŭ minskaha kłuba byŭ raspyleny ślezaciečny haz.
0
0
0
0
0
0
