Cкандальна вядомы магілёўскі АМАПавец збіў заўзятара мінcкага «Дынама»
Перад матчам 3-га тура чэмпіянату Беларусі «Дняпро» -- «Дынама» Мінск, які адбыўся ў суботу ў Магілёве, адбыўся скандальны інцыдэнт, паведамляе Belultras.by.
«Даволі вядомы супрацоўнік АМАПа Уладзімір Р. перад матчам спыніў аднаго з заўзятараў мінскага «Дынама» для праверкі дакументаў, але зразумеўшы, што з дакументамі ўсё ў парадку, пачаў рабіць ператрус.У заўзятара «Дынама» былі знойдзеныя стыкеры, якія і паслужылі падставай для затрымання і праверкі зместу надрукаванага.
У аддзяленні міліцыі заўзятару «Дынама» было нанесена некалькі удараў у цела, пры спробе патэлефанаваць, зноў жа кулакамі было растлумачана, што гэтага рабіць не трэба.Пасля ўсяго гэтага заўзятара мінскага «Дынама» прымусілі зняць куртку і пайсці ў клубнай атрыбутыцы «Дынама» побач з фанатамі «Дняпра», што з'яўляецца верхам цынізму. Варта гэтак жа адзначыць, што заўзятары «Дняпра», бачачы, як чалавека выводзяць з аддзялення міліцыі, паставіліся да яго без лішняй агрэсіі, сказаўшы:
«Для Магілёва гэта нармальная сітуацыя», - гаворыцца ў паведамленні сайта.
Нагадаем, Р. вядомы па нашумелым скандале на матчы 2011 года паміж мінскім «Дынама» і «Белшынай», падчас якога каля сектара фанатаў мінскага клуба быў распылены слезацечны газ.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам23
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары