1 maja na minskaj płoščy Banhałor — adnym z samych prablemnych učastkaŭ vulična-darožnaj sietki horada — u testavym režymie buduć uklučany novyja śviatłafory, paviedamili va ŭpraŭleńni DAI HUUS Minharvykankama.
Raniej mierkavałasia, što pracu novych śviatłaforaŭ, jakich na płoščy źjaviłasia 12, pratestujuć i praanalizujuć 28 krasavika.
Śviatłafory na Banhałor — heta čarhovy etap aptymizacyi ruchu na kruhavym skryžavańni stalicy.Pierad hetym tut zrabili novuju raźmietku. Na płoščy budzie čatyry rady, jakija vyłučany zrazumiełym dla vadzicielaŭ sposabam. Upieršyniu na płoščy prymianiajecca raźmietka 1.7, a taksama stop-linii na kruzie. Usio heta, pavodle mierkavańnia raspracoŭščykaŭ, nie tolki pavinna pavialičyć prapusknuju zdolnaść, ale i zrabić učastak darohi bolš biaśpiečnym.
Staličnaja Dziaržaŭtainśpiekcyja paabiacała, što budzie tłumačyć praviły prajezdu płoščy praź ŚMI.
0
0
0
0
0
0
