U treciaha padazravanaha ŭ razbojnym napadzie na adździaleńnie AAT «Biełahraprambank» u Lubani, jakoha zatrymali nočču 30 krasavika, znojdziena i kanfiskavana bolš za 15 tysiač dalaraŭ i prykładna 4 miljony rubloŭ, paviedamlajecca na sajcie MUS.
Raniej sudzimy žychar Lubani 1983 hoda naradžeńnia byŭ zatrymany na aŭtadarozie Arleva — Saročy blizu vioski Saročy Lubanskaha rajona. Apieracyju pa zatrymańni padazronaha pravodzili supracoŭniki kryminalnaha vyšuku i AMAP UUS Minabłvykankama, kryminalnaha vyšuku Lubanskaha RAUS.
«Paśpiachovaje ŭstanaŭleńnie asob, što majuć dačynieńnie da razbojnaha napadu, stała mahčymym dziakujučy dakładnaj kaardynacyi dziejańniaŭ i ciesnamu supracoŭnictvu pamiž Ministerstvam unutranych spraŭ i Śledčym kamitetam, a taksama vysokamu prafiesijanalizmu apieratyŭnych supracoŭnikaŭ», — paviedamlaje MUS.
***
Nahadajem, 21 krasavika dva nieviadomyja ŭ maskach pranikli ŭ pamiaškańnie adździaleńnia «Biełahramprambanka» ŭ Lubani, źbili supracoŭnika milicyi, zavałodali jaho tabielnaj zbrojaj, źviazali kasira, jaki znachodziŭsia na pracoŭnym miescy.Złačyncy vykrali hrašovyja srodki banka, paśla čaho ŭciakli na inkasatarskim aŭtamabili. Hałoŭnym śledčym upraŭleńniem SK była raspačata sprava na padstavie č. 3 art. 207 (razboj) i č. 4 art. 294 (kradziež ahniastrelnaj zbroi) Kryminalnaha kodeksa.
Było ŭkradziena bolš jak 1 młrd. rubloŭ, prykładna 40 tys. dołaraŭ i 20 tys. jeŭra.Dakładnaja suma, jakoj zavałodali padazronyja, budzie ŭstanoŭlena paśla zakančeńnia dakumientalnaj revizii adździaleńnia banka, pryznačanaj śledstvam.
Padčas śledčych dziejańniaŭ i apieratyŭna-vyšukovych mierapryjemstvaŭ padazronyja byli ŭstanoŭleny, i praź niekalki dzion paśla złačynstva dvuch ź ich zatrymali. Ukradzienyja hrošy i tabielnaja zbroja supracoŭnika milicyi kanfiskavany.
Arhanizatar złačynstva — supracoŭnik Lubanskaha adździaleńnia departamienta achovy MUS siaržant milicyi 1990 hoda naradžeńnia. Razam ź im byŭ zatrymany saŭdzielnik złačynstva 1991 hoda naradžeńnia.
Ciapier čytajuć
Inžyniera-kanstruktara z upraŭleńnia «Pielenha», jakoje robić techniku dla rasijskaha vojska, asudzili pa palityčnych artykułach3
Kamientary