Kasirka vydała klijentu 23 tys. dalaraŭ zamiest $2 300, jon zabraŭ hrošy i syšoŭ
Milicyja prosić hramadzian dapamahčy ŭ pošuku klijenta banka, jakomu kasir pamyłkova vydała sumu ŭ 10 razoŭ bolšuju, čym nieabchodna. Jaho fota z kamier videanazirańnia raźmieščana na sajcie HUUS Minharvykankama.
U Centralnaje RUUS Minska źviarnułasia kasir filijała banka, raźmieščanaha na ždanovickim rynku, z prośbaj dapamahčy ŭ vyśviatleńni asoby nieviadomaha mužčyny, jakomu jana pamyłkova vydała bujnuju hrašovuju sumu.
Incydent adbyŭsia sioleta kala 16 hadzin 18 maja. Mužčyna padyšoŭ da kasira, kab abmianiać 2.300 dalaraŭ ZŠA na biełaruskija rubli. Kasir zamiest naležnaj sumy vydała sumu ŭ rublach, ekvivalentnuju 23 tysiačam dalaram ZŠA. Mužčyna zabraŭ hrošy i syšoŭ.Niastača vyjaviłasia tolki praź niekalki hadzin.
Słužbaj biaśpieki banka kanfiskavany zapis z kamiery videanazirańnia, na jakim vyjaŭleny mužčyna.
U hetaj suviazi milicyja prosić adhuknucca hetaha mužčynu abo tych, chto jaho paznaje. Sa svajho boku bank taksama prosić klijenta viarnuć hrošyi źviartajecca da hramadzian z prośbaj dać infarmacyju, jakaja dapamoža ŭstanavić asobu mužčyny. Za takuju infarmacyju harantujecca ŭznaharodžańnie.
Nahadajem, anałahičny vypadak adbyŭsia ŭ kancy sakavika ŭ Frunzienskim rajonie Minska.
Incydent adbyŭsia kala 10 hadzin 29 sakavika ŭ filijale adnaho z bankaŭ na vulicy Prytyckaha. Mužčyna mianiaŭ 600 jeŭra na biełaruskija rubli. Kasir zamiest naležnych 6,6 młn. rubloŭ vydała klijentu 60 młn. rubloŭ. Klijent zabraŭ hrošy i syšoŭ. Tolki praz hadzinu žančyna zaŭvažyła bujnuju niastaču.
Viečaram 2 krasavika hramadzianin, jakoha adšukvała milicyja, viarnuŭsia ŭ bank i viarnuŭ kasiru roźnicu ŭ hrošach. Bolš čym 50 miljonaŭ rubloŭ viernuta banku. Mužčyna pažadaŭ zastacca nieviadomym, tolki paprasiŭ kasira zabrać zajavu ź milicyi.
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary