Sankcyi ZŠA ŭ dačynieńni da biełaruskaj kampanii ZAT «Biełtechekspart» źniatyja. Adpaviednaja infarmacyja była apublikavana na sajcie Dziarždepartamienta 24 maja.
Nahadajem, Dziarždep ZŠA uvioŭ sankcyi ŭ dačynieńni da «Biełtechekspartu» 14 lipienia 2010 hoda nibyta za parušeńnie Aktu ab nieraspaŭsiudžvańni ŭ dačynieńni da Irana, Paŭnočnaj Karei i Siryi. U mai 2011 hoda termin sankcyj byŭ padoŭžany.
Sankcyi Jeŭrasajuza ŭ dačynieńni da hetaj kampanii pa-raniejšamu dziejničajuć, jak i ŭ dačynieńni da inšych kampanij, jakija ŭ ES ličać padkantrolnymi Uładzimiru Piefcijevu. Miž tym, hod nazad Piefcijeŭ spyniŭ svoj udzieł u «Biełtech Chołdynh». Novym uładalnikam kantrolnaha pakieta akcyj chołdynhu staŭ rasijski biznesmen Dźmitryj Hurynovič. Źmienaj prava ŭłasnaści, miarkujuć ekśpierty, zroblena sproba vyvieści «Biełtech Chołdynh» z-pad dziejańnia sankcyj Jeŭrasajuza, bo Piefcijeva ŭ ES ličać «klučavym finansavym sponsaram režymu Łukašenki.
Takim čynam, siońnia sankcyi ZŠA dziejničajuć u dačynieńni da BiełOMA, «TM Siervisiz», respublikanskaha navukova-pramysłovaha ŭnitarnaha pradpryjemstva KB «Radar», šerahu pradpryjemstvaŭ dziaržaŭnaha kancerna «Biełnaftachim», bankaŭ ź iranskim kapitałam, — ZAT «Onerbank» (ciapier — «Nord Jeŭrapieana Bank „) i“ Bank handlovy kapitał».
Kamientary