Dvoje chłopcaŭ u Minsku na skradzienaj mašynie zładzili načnyja ŭcioki ad DAI, raskazała staršy inśpiektar pa ahitacyi i prapahandzie ADAI Frunzienskaha rajona Minska Alena Vołčak.
Siońnia nočču kala 3 hadzin 10 chvilin ekipaž DAI, jaki dziažuryŭ u rajonie vulic Hareckaha i Rafijeva, źviarnuŭ uvahu na aŭtamabil VAZ 21061, jaki pavodziŭ siabie dziŭna: to razhaniaŭsia, to tarmaziŭ.Kiroŭca, zaŭvažyŭšy mašynu DAI, zajechaŭ na stajanku hipiermarkieta. Ekipaž nakiravaŭsia ŭśled za parušalnikami.
Ale jak tolki supracoŭniki DAI padjechali da ich, VAZ rezka sarvaŭsia ź miesca.
Inśpiektary nieadnarazova źviartalisia da kiroŭcy praz hučnaŭzmacnialnik z patrabavańniem spynicca, ale nijakaha tołku. Pahonia paniesłasia pa vulicach Hareckaha, Šaranhoviča, Łabanka, Sucharaŭskaj, chłopcy sprabavali schavacca na MKAD,
uciekačy piatlali pa načnym horadzie, nie źviartajučy nijakaj uvahi na praviły darožnaha ruchu, chutkasny režym, śviatłafory i darožnuju raźmietku.Inśpiektary vyklikali dapamohu.
Ubačyŭšy, što ich dahaniajuć ŭžo dźvie mašyny DAI, kiroŭca i pasažyr VAZa stali na chadu kidać u aŭtamabili inśpiektaraŭ rečy i pradmiety z svajoj mašyny. Aŭtamahnitoła trapiła ŭ łabavoje škło adnaho z ekipažaŭ, prajšła pa datyčnaj, ale, na ščaście, nie prabiła jaho.Zbočvajučy z vulicy Panamarenki na praśpiekt Puškina, kiroŭca VAZ nie ŭtrymaŭ mašynu,
na vialikaj chutkaści taja pajšła ŭ zanos, najechała na bardziurny kamień, nalacieła na aśviatlalnuju mačtu i pierakuliłasia.Inśpiektary zatrymali kiroŭcu i pasažyra, jany abyšlisia ŭdarami.
Jak vyśvietliłasia, chłopiec pravoŭ nie mieŭ (jon ich nikoli i nie atrymlivaŭ!) Bolš za toje, mašyna była kradzienaj. Haspadynia ŭžo napisała zajavu.
Kiroŭcu (žychar Mazyra 1994 hoda naradžeńnia) i pasažyra (minčanin 1992 hoda naradžeńnia) dastavili ŭ Maskoŭskaje RUUS stalicy dla dalejšych raźbiralnictvaŭ. Na kiroŭcu składziena 7 administracyjnych pratakołaŭ za roznyja parušeńni.
Kamientary