Słonimcy Viktar Marčyk i Ivan Biedka padali zajaŭku ŭ Słonimski rajvykankam na dazvoł ab praviadzieńni 27 červienia ŭ centry Słonima pikieta ŭ abaronu viadomaha słonimskaha doktar traŭmatołaha-artapieda i hramadskaha aktyvista Ivana Šehi.
Doktaru Słonimskaj centralnaj rajonnaj balnicy Ivanu Šehu sioleta spoŭniłasia 60 hadoŭ, 30 hadoŭ jon adpracavaŭ u Słonimskaj rajonnaj balnicy. Doktar vopytny, śpiecyjalist vyšejšaj katehoryi, jakoha viedajuć jak dobraha śpiecyjalista ŭsie žychary Słonimščyny i navat susiednich rajonaŭ, jon poŭny sił i enierhii pracavać i nadalej. I heta viedaje i hałoŭny doktar Słonimskaj CRB Juryj Piacielski. 24 krasavika za podpisam Piacielskaha Ivan Šeha atrymaŭ aficyjny list: «Administracyja UA «Słonimskaja CBR paviedamlaje, što z Vami budzie praciahnuty kantrakt terminam na adzin hod z 28 červienia 2013 hoda da 27 červienia 2014 hoda». Viadoma ž, svoj miascovy doktar, jak takoha možna vyhaniać, kali jon dobry śpiecyjalist, a ŭ Słonimskaj CRB siońnia nie chapaje dziasiatka daktaroŭ. Naprykład, kab trapić da nieŭrapatołaha, treba čakać miesiac, da ŭrołaha — kala dvuch miesiacaŭ, toje samaje i z traŭmatołahami. Nie chapaje ŭ Słonimie traŭmatołahaŭ, bo niadaŭna dva dobryja śpiecyjalisty pierajechali ŭ Kalinkavičy, urołah — adzin, i toje jon daŭno piensijanier. Maładyja śpiecyjalisty pryjeduć, adpracujuć dva hady i pakidajuć horad. I raptam 21 maja Ivan Šeha atrymlivaje ad taho ž Piacielskaha novy list, dzie hałoŭny doktar papiaredžvaje: «Administracyja Słonimskaj CRB paviedamlaje, što 27 červienia Vy budziecie zvolnieny ŭ suviazi z zakančeńniem terminu kantrakta, p.2 art.35 Pracoŭnaha kodeksa Respubliki Biełaruś».
Takoje rašeńnie hałoŭnaha doktara Słonimskaj CRB nie na karyść usich słonimcaŭ. U abaronu doktara Ivana Šehi i zapłanavany pikiet u Słonimie.
Adnačasova siarod žycharoŭ Słonimščyny aktyŭna pačaŭsia zbor podpisaŭ pad kalektyŭnym zvarotam u Słonimski rajvykankam, Hrodzienski abłvykankam, Ministerstva achovy RB, administracyju prezidenta RB, u jakim ludzi prosiać dać im mažlivaść lačycca ŭ vopytnaha doktara, jakomu jany daviarajuć i jakoha viedajuć šmat hadoŭ. U abaronu doktara Ivana Šehi užo sabrana słonimcami 250 podpisaŭ i adpraŭlenyja pa adrasach. Zbor podpisaŭ praciahvajecca, słonimcy aktyŭna staviać svaje podpisy i niezadavolenyja takim učynkam spadara Piacielskaha.
Kamientary