Siońnia ŭ japonskim horadzie Osaka na čempijanacie śvietu pa lohkaj atletycy prajšoŭ finał pa kidańni mołatu. Biełarus Ivan Cichan staŭ čempijonam śvietu.
Adnak u finalnych kidkach spravy ŭ Ivana Cichana nie pajšli. Jon tolki z apošniaha miesca trapiŭ u finalnuju vosiemku, jakoj davalisia lišnija try sproby. Dzieviatoŭski išoŭ druhim, sastupajučy tolki słaviencu Prymažu Kozmusu.
Sytuacyja praktyčna nijak nie mianiałasia da apošniaj sproby, kali Ivan Cichan zašpurnuŭ mołat až 83 metry 63 santymetry. Hodny adkaz našamu asiłku nichto zrabić tak i nia zmoh. Takim čynam, Ivan staŭ trochrazovym čempijonam śvietu.
Škada, što biez medaloŭ zastaŭsia Vadzim Dzieviatoŭski, jakoha apiaredziŭ słavak Libar Charfrajtah. Vadzim u vyniku na čaćviortym radku.
Paśla troch dzion spabornictvaŭ na čempijanacie śvietu biełarusy majuć try medali — pa adnym kožnaj vartaści.
***
Ivan Cichan naradziŭsia 24 lipienia 1976 h. u v.Hłaŭsievičy (Słonimščyna). Dahetul Cichan dvojčy stanaviŭsia čempijonam śvietu — u 2003 (Paryž) i ŭ 2005 (Chielsinki). U 2004 hodzie jon staŭ druhim na Alimpijskich hulniach u Atenach. U lipieni 2005 h. Ivan Cichan kinuŭ mołat na adlehłaść 86 metraŭ 73 santymetry, što tolki na adzin santymetar sastupaje lepšamu vyniku ŭ historyi čałaviectva, jaki ŭ žniŭni 1986 h. ustalavaŭ saviecki małatabojec Jury Siadych. Trenirujecca Cichan u alimpijskaha čempijona Seułu‑1988 Siarhieja Litvinava. Žyvie ŭ Horadni.
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary