Da siaredziny tydnia ŭ Biełarusi daždžy spyniacca, pachaładaje
Pra heta paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ.
Pavodle jaho słoŭ, u pačatku tydnia nadvorje ŭ krainie budzie farmiravać aktyŭny chałodny atmaśfierny front, jaki budzie źmiaščacca va ŭschodnim napramku, z-za čaho ŭ Biełarusi budzie chaładnavata.
U aŭtorak na bolšaj častcy terytoryi projduć karotkačasovyja daždžy, navalnicy, miescami mocnyja liŭni.Pa Homielskaj i Mahiloŭskaj abłaściach, dzie čakajecca raźvićcio mahutnych navalničnych vobłakaŭ, prahnazujecca hrad i pry navalnicach miescami pa krainie škvalistyja ŭzmacnieńni vietru z paryvami da 15—20 m/s. Nočču i ranicaj mahčymy słaby tuman. Tempieratura pavietra dniom 18—23°S, pa paŭdniovym uschodzie 24—27°S.
U Hrodnie ŭ aŭtorak čakajecca nočču plus 9—11°S, dniom 18—20°S, u Breście — nočču plus 10—12°S, dniom 20—22°S, u Homieli — nočču plus 16—18°S, dniom 25—27°S, u Mahilovie — nočču plus 15—17°S, dniom 23—25°S, u Viciebsku — nočču plus 11—13°S, dniom 20—22°S, u Minskaj vobłaści — plus 9—14°S, dniom 18—23°S, u Minsku — nočču plus 10—12°S, dniom 20—22°S.
U sieradu na bolšaj častcy terytoryi krainy nadvorje budzie vyznačać vobłaść pavyšanaha atmaśfiernaha cisku, sfarmiravanaja ŭ bolš chaładnavataj pavietranaj masie.Daždžy pastupova spyniacca, tolki pa Homielskaj i Mahiloŭskaj abłaściach zachavajecca ŭpłyŭ frantalnaha raździełu i projduć navalničnyja daždžy, miescami mahčymyja mocnyja liŭni. Viecier paŭnočny ŭmierany. Tempieratura pavietra nočču plus 7—13°S, dniom 17—23°S, što, pavodle słoŭ Rabava, adpaviadaje klimatyčnaj normie.
U čaćvier nadvorje palepšycca, u mnohich rajonach apadkaŭ nie čakajecca, tolki na paŭdniovym uschodzie Homielskaj vobłaści mahčymyja karotkačasovyja daždžy.Nočču i ranicaj u nizkich miescach i pablizu ad vadajomaŭ mahčymyja niepraciahłyja tumany. Viecier niaŭstojlivy słaby. Tempieratura pavietra nočču plus 5—11°S, pa paŭdniovym uschodzie da plus 14°S, dniom 19—25°S.
U piatnicu Biełaruś budzie znachodzicca pad upłyvam antycykłonu, centr jakoha budzie źmiaščacca sa Skandynaŭskaha paŭvostrava na ŭschod. Daždžy ŭ hety dzień małavierahodnyja, nočču i ranicaj miescami mahčymy słaby tuman.Tempieratura pavietra nočču plus 4—10°S, pa paŭdniovym uschodzie da plus 12°S, maksimalnaja tempieratura dniom 22—27°S.
U vychadnyja atmaśfierny cisk krychu źnizicca, i ŭ asobnych rajonach čakajucca karotkačasovyja daždžy, dniom navalnicy.Nočču plus 7—14°S, u siaredzinie dnia pavietra prahrejecca da 22—27°S, pa poŭdni Homielskaj i Bresckaj abłaściej — da plus 29°S.
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary