Fatohraf «NN» Siarhiej Hudzilin atrymaŭ až šeść premij «Pres-fota-2013»
Žury biełaruskaha konkursu «Pres-fota-2013» adznačyła pieršym miescam u naminacyi «Naviny» ekśpierymientalny zdymak Siarhieja Hudzilina.
Na im — žurnalist haziety «Komsomolskaja pravda v Biełoruśsii» Iryna Koźlik (źleva) i fatohraf-fryłansar Julija Daraškievič čakajuć suda ŭ mašynie milicyi. Sudździa suda Savieckaha rajona horada Minska Dźmitryj Paŭlučenka aštrafavaŭ žurnalistak na 3 młn. biełaruskich rubloŭ (kala $360) kožnuju. U administratyŭnych pratakołach, składzienych u dačynieńni da žurnalistak, było napisana, što zatrymanyja abvinavačvajucca ŭ «pikietavańni šlacham fatahrafavańnia» ź plušavym miadźviedziem i nadpisam «No pictures — no problems?». Taksama pieršaje miesca ŭ Hudzilina ŭ naminacyjach «Repartažny partret» — za sieryju «Čorny śpis mastactvaŭ» i «Mabiłahrafija» — za fota ź biełaruskaha «Pola cudaŭ», što la rynku «Ždanovičy». U toj samaj naminacyi adznačanaja sieryja Hudzilina «Suprematyčny Minsk», pryśviečanaja vuličnym mastakam i tym, chto ź imi zmahajecca.
U naminacyi «Pastanovačny partret (sieryi)» adznačanyja fota žodzinskich vypusknic, sieryja «Artadaksalnyja vybary», pryśviečany rytuału narodnaha volevyjaŭleńnia, trapiła ŭ naminacyju «Mastactva dy zabavy».
U 2011 Hudzilin atrymaŭ Hran-pry «Pres-fota Biełarusi», letaś — pryzy ŭ čatyroch naminacyjach.
Ciapier čytajuć
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
Kamientary