Ilju Bahdanava papiaredzili, što 27 červienia dla jaho budzie apošnim pracoŭnym dniom.
«Litaralna hadzinu tamu pra heta mnie paviedamiŭ načalnik jurydyčnaha adździeła. Pryčynu nie nazyvajuć. Zahad budzie tolki zaŭtra: ź jaho i daviedajusia pra padstavu. Chacia damova ŭ mianie da nastupnaha hoda».
Ilja pracuje juryskonsultam jurydyčnaha adździeła KUP «ŽKH Połacka». Nijakaj zajavy na zvalnieńnie pa ŭzhadnieńni bakoŭ jon nie pisaŭ, tamu nie razumieje, jak tak chutka jaho mohuć zvolnić.
Ale adznačaje, što ŭžo była sproba pakinuć jaho biez pracy. «Heta było zimoj, praź jaki miesiac paśla aryštu Hajdukova. Mianie papiaredzili, što zvolniać, bo z dekreta musiła vyjści juryst, na čyjo miesca mianie ŭziali. Ale ŭ jaje dziciaci było tolki 1,5 hoda. U vyniku jana nie vyjšła, a majo zvalnieńnie nie adbyłosia».
Ilja Bahdanaŭ prachodzić śviedkam pa spravie Andreja Hajdukova, jakoha abvinavacili ŭ zdradzie dziaržavie ŭ formie praviadzieńnia ahienturnaj dziejnaści. Raniej chłopiec byŭ u inšym statusie — padazravanym. Na minułym tydni jaho dapytali na pracesie nad siabram.
«Dla mianie hetaja suviaź vidavočnaja», — kaža Bahdanaŭ pra svajo zvalnieńnie i spravu Hajdukova.
U listapadzie zastaŭsia biez pracy Jaŭhien Kanstancinaŭ. Z Andrejem Hajdukovym jany sprabavali zarehistravać Sajuz maładych intelektuałaŭ.
Kamientary