Pradprymalniki časova pieramahli: vykanańnie techrehłamientu MS pieranieśli na 1 listapada 3

Manitorynh vykanańnia pryvatnymi pradprymalnikami techrehłamientu Mytnaha sajuzu pa tavarach lohkaj pramysłovaści pačniecca ŭ Biełarusi 1 listapada.

Pra heta siońnia žurnalistam skazaŭ pieršy namieśnik staršyni Dziaržaŭnaha kamiteta pa standartyzacyi Biełarusi Valeryj Hurevič, paviedamlaje BiełTA.

Nahadajem, što ŭčora, 27 červienia, drobnyja pradprymalniki praviali papieradžalny strajk

suprać ukaranieńnia techničnaha rehłamientu Mytnaha sajuza «Ab biaśpiecy pradukcyi lohkaj pramysłovaści». Zhodna z hetym rehłamientam, PUPy pavinny mieć siertyfikaty na ŭvieś tavar, a z 1 lipienia 2014 hoda takija siertyfikaty buduć patrabavać i ad IP. Pradprymalniki śćviardžajuć, što taki padychod stavić ich u niaroŭnyja ŭmovy. U Rasii takoha supravadžeńnia nichto nie patrabuje.

Drobnyja handlary patrabujuć prava pradavać tavary bieź siertyfikataŭ.

Strajk prajšoŭ u dziasiatkach haradoŭ Biełarusi. U Minsku bastavali najbujniejšyja rynki i handlovyja centry.

Lidar RHA «Pierśpiektyva» Anatol Šumčanka byŭ zatrymany i asudžany na 5 sutak administracyjnaha aryštu

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH