Pavodle infarmacyi ŭpraŭleńnia DAI HUUS Minharvykankama, u suviazi z praviadzieńniem u Minsku śviatočnych mierapryjemstvaŭ, pryśviečanych Dniu Niezaležnaści Biełarusi, 3 lipienia ŭ stalicy budzie abmiežavany ruch:
z 6.00 da 8.00 pa vulicach Zasnavalnikaŭ i Starynaŭskaj;
z 7.15 da 8.15 pa praśpiekcie Niezaležnaści, vulicach Surhanava, Bahdanoviča na ŭčastku ad Surhanava da praśpiekta Mašerava na momant prachodžańnia kałony vajennaj techniki;
z 7.00 da 13.00 pa praśpiekcie Mašerava na ŭčastku ad praśpiekta Niezaležnaści da vulicy Cimirazieva.
Dziaržaŭtainśpiekcyja papiaredžvaje, što z 8.00 da 8.30 pa maršrucie praśpiekt Niezaležnaści — MKAD — praśpiekt Pieramožcaŭ — vulica Sapioraŭ — vulica Cimirazieva — vulica Hvardziejskaja — vulica Tarchanava — vulica Ihnacienki budzie pieramiaščacca kałona techniki z udzielnikami parada. Dla arhanizacyi biaśpiečnaha i bieśpieraškodnaha prajezdu ruch na čas prachodžańnia kałony paetapna budzie abmiežavany.
Paśla zakančeńnia parada ŭ suviazi ź viartańniem vajennaj techniki da miesca dysłakacyi znoŭ budzie pravodzicca paetapnaje abmiežavańnie ruchupa vulicach Cimirazieva (ad Kalvaryjskaj da Sapioraŭ), Sapioraŭ, praśpiekcie Pieramožcaŭ, vulicach Arłoŭskaj i Surhanava, praśpiekcie Niezaležnaści, vulicach Starynaŭskaj i Zasnavalnikaŭ. A taksama pa maršrucie ruchu kałony z udzielnikami parada: pa vulicach Hvardziejskaja, Tarchanava, Ihnacienki, praśpiekcie Pieramožcaŭ, MKAD, praśpiekcie Niezaležnaści.
Staličnaja Dziaržaŭtainśpiekcyja rekamienduje vadzicielam na hetych učastkach nie parkavać svaje aŭtamabili, u inšym vypadku jany buduć evakujavany. Inśpiektary taksama źviartajuć uvahu na vykanańnie praviłaŭ darožnaha ruchu pry ruchu arhanizavanaj kałony.
