Były kiraŭnik adździaleńnia psichałohii stałaha vieku pry Royal Edinburgh Hospital u Šatłandyi doktar Devid Uiks pravioŭ razam sa svaimi kalehami daśledavańnie, jakoje pakazała, što rehularny seks spryjaje amaładžeńniu. Pry zachavańni aktyŭnaha pałavoha žyćcia mužčyny i žančyny ź siaredniaj uzrostavaj hrupy vyhladali na 5–7 hadoŭ maładziejšy za svoj bijałahičny ŭzrost. Inšyja brytanskija daśledčyki niadaŭna dakazali — rehularny seks źnižaje vierahodnaść zaŭčasnaj śmierci.
Doktar Uiks ličyć, što ludzi ŭsich uzrostaŭ pavinny być u kursie pieravah zdarovaha seksualnaha žyćcia. Sam vučony vydatkavaŭ bolš za 10 hadoŭ na vyvučeńnie dadzienaha pytańnia. Jon pierakanaŭsia ŭ tym, što tyja jaho pacyjenty z uzrostavaj hrupy 40–50 hadoŭ, jakija viali na 50% bolš rehularnaje pałavoje žyćcio (u siarednim, trojčy na tydzień suprać dvuch seksualnych kantaktaŭ), vyhladali maładziej.
Pa słovach navukoŭca, toje zadavalnieńnie, jakoje prynosić čałavieku seks, źjaŭlajecca klučavym faktaram u spravie strymlivańnia ŭzrostavych źmianieńniaŭ. Svaju rolu adyhryvaje i bijałohija, tak jak u chodzie zaniatkaŭ seksam u kroŭ pastupajuć «harmony zadavalnieńnia» endarfiny, jakija dziejničajuć u jakaści naturalnych abiazbolvalnych. Jany źnižajuć uzrovień niespakoju i palahčajuć praces zasynańnia.
Narešcie, seksualnyja «praktykavańni» ŭzmacniajuć krovazvarot, što vielmi važna dla zdaroŭja serca i skury. Padčas zaniatkaŭ seksam vyłučajecca i harmon rostu čałavieka, jaki spryjaje ełastyčnaści skury i jaki źnižaje prajavy marščyn. Seks dapamahaje spalvać tłušč i ŭmacoŭvać imunnuju sistemu.
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary