«Hazpram» — samy bujny rasijski kancern pa rynkavaj kapitalizacyi — zaniaŭ tolki 57 miesca ŭ FT Global 500, štohodnim rejtynhu samych darahich publičnych kampanij śvietu. Za hod hazavaja manapolija straciła adrazu 26 pazicyj i ciapier znachodzicca ŭ rejtynhu pamiž amierykanskimi Walt Disney i MsDonald's.
Astatnija bujnyja rasijskija kampanii taksama nie zmahli palepšyć svaich pazicyj u FT500. Tak, «Rasnafta» zajmaje ciapier 81 miesca, apuściŭšysia ŭ paraŭnańni ź minułym hodam na dźvie pazicyi. Naftavaj kampanii nie dapamahło navat toje, što jaje kapitalizacyja za hod vyrasła na 6,9%.
Śbierbank straciŭ u rejtynhu 11 pazicyj, raźmiaściŭšysia na 97-m miescy, a «Łukojł» - 10 pazicyj (142 miesca). Z rasijskich kampanij u FT500 taksama patrapili «Surhutnaftahaz» (231 miesca), «Narylski nikiel» (277-je), «Novatek» (297-je) i «Urałkalij» (450-je). Dla taho kab uvajści ŭ rejtynh, nieabchodna było da 28 sakavika 2013 h. mieć kapitalizacyju nie mienš 19,5 młrd dalaraŭ.
Pieršaje miesca ŭ rejtynhu, jak i hodam raniej, zaniała amierykanskaja Apple.Za hod kapitalizacyja vytvorcy iPad ŭpała na 25,6%, ale navat heta nie dapamahło jaho kankurentam.
Na druhim miescy pa-raniejšamu znachodzicca naftavaja ExxonMobil, a na trecim apynuŭsia inviestfond Berkshire Hathaway Uorena Bafieta. Jon zrušyŭ z trojki kitajskuju naftavuju kampaniju PetroChina. Usiaho ŭ dziasiatcy apynułasia tolki dźvie kampanii nie z ZŠA. Akramia PetroChina, heta šviejcarskaja Nestle.
Kamientary