U rasijskaj zorki Uładzimira Praśniakova ŭ repiertuary raniej źjaviłasia pieśnia na biełaruskaj movie.
Pieśniu «Śpi, mały sakoł» napisaŭ kampazitar Raman Kozyraŭ na słovy kłasika Janki Łučyny dla junaha biełaruskaha vykanaŭcy Romy Vałaźniova. Vałaźnioŭ płanavaŭ udzieł u piesiennym konkursie na «Słavianskim bazary», ale nie zmoh pryniać u im udzieł, bo jamu jašče nie spoŭniłasia 18 hadoŭ.
«Adnak pieśnia mnie i baćkam vielmi spadabałasia: my vyrašyli zabrać jaje na budučyniu, — raspavioŭ Raman Vałaźnioŭ. — Svaje novyja kampazicyi ja adpraŭlaju Uładzimiru Praśniakovu z prośbaj acanić; dla hetaj pieśni ja zrabiŭ aranžyroŭku i taksama jamu pasłaŭ. Vałodzia adkazaŭ, što pieśnia vielmi pryhožaja, i prapanavaŭ praśpiavać jaje ŭdvuch.
Ja ździviŭsia, maŭlaŭ, jana ž na biełaruskaj movie, dy i aranžyroŭka maja naŭrad ci padydzie. Na što Praśniakoŭ skazaŭ:
«U mianie žonka chiba nie biełaruska? A aranžyroŭku my zrobim!»Tak pieśnia nabyła novaje žyćcio ŭ aranžyroŭcy Uładzimira Praśniakova, jakuju jon mnie padaryŭ, — heta carski padarunak! I jašče Vałodzia paprasiŭ u mianie dazvołu vykanać hetuju pieśniu ŭ duecie z [jaho žonkaj] Natallaj Padolskaj: mnie navat było niajomka... Viadoma, ja ciešusia, što jany śpiavajuć maju pieśniu».
Paznajomilisia Raman i Uładzimir Praśniakoŭ ŭ 2009 hodzie:biełarus byŭ udzielnikam konkursu «Dziciačaja «Novaja chvala», dzie zaniaŭ 2-je miesca. U ankiecie było pytańnie: «Z kim z zorak vy maryli b praśpiavać duetam?» Roma napisaŭ, što z Uładzimiram Praśniakovym.
«Akazvajecca, mary spraŭdžvajucca, — kaža juny artyst. — My duetam vykanali ŭžo niamała piesień, i spadziajusia, što naša supracoŭnictva budzie praciahvacca».
0
0
0
0
0
0