U sieradu, 31 lipienia, atmaśfierny front, jaki pačnie aktyŭna źmiaščacca z zachadu ŭ napramku Biełarusi, pryniasie ŭ mnohija rajony asłableńnie haračyni.
Pra heta paviedamiŭ ŭ paniadziełak na videabryfinhu načalnik słužby hidramietearałahičnych prahnozaŭ Respubikanskaha hidramieteacentra Dźmitryj Rabaŭ.
U načnyja hadziny tempieratura pavietra składzie plus 12–19 hradusaŭ,
dniom pavietra prahrejecca da 21–27 hradusaŭ vyšej za nul, pa ŭschodzie sinoptyki abiacajuć 28–30 hradusaŭ.Nočču miescami, dniom na bolšaj častcy terytoryi krainy projduć karotkaterminovyja daždžy, navalnicy. U dzionnyja hadziny pa ŭschodzie pry navalnicach čakajucca škvalistyja ŭzmacnieńni vietru z paryvami da 15–20 mietraŭ u siekundu.
Žnivień startuje narmalnym dla našych šyrot nadvorjem. U čaćvier, 1 žniŭnia, z Bałtyjskaha mora na terytoryju Biełarusi pačnie pastupać śviežaje pavietra. Nočču miescami, a dniom na značnaj častcy terytoryi krainy čakajucca karotkaterminovyja daždžy, u asobnych rajonach — navalnicy. U načnyja hadziny sinoptyki abiacajuć ad plus 11 hradusaŭ pa zachadzie da plus 17 hradusaŭ pa ŭschodzie Biełarusi.
Dniom budzie plus 21–28 hradusaŭ.
U piatnicu, 2 žniŭnia, charaktar nadvorja istotna nie źmienicca, tolki ŭ načnyja hadziny stanie krychu chaładniej.
«U vychadnyja, 3 i 4 žniŭnia, atmaśfierny cisk padraście, upłyŭ bałtyjskaha pavietra asłabieje», — skazaŭ pradstaŭnik Hidramieteacentra. Miescami, pieravažna pa ŭschodzie krainy, čakajucca karotkija letnija daždžy, u asobnych rajonach — navalnicy. U niadzielu pa paŭdniovym zachadzie Bresckaj vobłaści pavietra prahrejecca da plus 29 hradusaŭ.
Kamientary