Alaksandr Łukašenka daručyŭ prakantralavać praces narychtoŭki i pierapracoŭki lonu. Adpaviednaje daručeńnie jon daŭ siońnia, naviedvajučy ŭ Minskim rajonie saŭhas «Minski» AAT «DarORS».
Łukašenka nahadaŭ, što daručaŭ sioleta jak maje być zaniacca lnavodčaj śfieraj. «Ja chaču pry strohim kantroli za vyroščvańniem lonu pahladzieć, možam my ź lonam pracavać i vynik davać abo nie. Stroha na kantrol i dakład mnie, što atrymajem pa vosieni», — daručyŭ jon.
Alaksandr Łukašenka taksama adznačyŭ, što paralelna ŭ Biełarusi viadziecca madernizacyja lnozavodaŭ, heta rabota pavinna być zavieršana ŭ 2015 hodzie.
Ministr sielskaj haspadarki i charčavańnia Leanid Zajac paviedamiŭ, što sioleta lon vyras na paradak lepšy, čym u 2012 hodzie, jość u najaŭnaści nieabchodnyja miechanizmy i technika dla jaho ŭborki i apracoŭki.
«Hladzicie, kab my tut nie atrymali znoŭ, što lnokambinat nie raźličvajecca ź ilnozavodami za vałakno, a lnozavody — z kałhasami i saŭhasami. Hetaha być nie pavinna», — padkreśliŭ jon.Łukašenka asabliva źviarnuŭ uvahu na nieabchodnaść strohaha zachavańnia hrafika ŭzajemaraźlikaŭ pamiž pradpryjemstvami i arhanizacyjami, zaniatymi ŭ ilnianoj halinie.
Ciapier čytajuć
«Zachodziš u kamieru, a jany kažuć: «My z taboj admaŭlajemsia siadzieć». Cichanoŭski raskazaŭ, jak sutyknuŭsia z prablemaj nizkaha statusu12
Kamientary