Ekśpierty Małdovy pryjšli da vysnovy, što pradukcyja ŭkrainskaj kandytarskaj fabryki Roshen nie ŭjaŭlaje niebiaśpieki dla spažyŭcoŭ. Ab hetym zajaviŭ siońnia napres-kanfierencyi ministr sielskaj haspadarki i charčovaj pramysłovaści Małdovy Vasil Bumakoŭ.
Pa słovach Vasila Bumakova, ekśpiertyza, praviedzienaja ŭ Małdovie, pakazała, što ŭkrainskija kandytarskija vyraby Roshen nie ŭtrymlivajuć nijakich niebiaśpiečnych rečyvaŭ i adpaviadajuć usim standartam jakaści.
Kiraŭnik Minsielhascharču Małdovy adznačyŭ, što bolš padrabiaznaja infarmacyja adnosna pravierki jakaści pradukcyi Roshen budzie dadziena Nacyjanalnym ahienctvam pa biaśpiecy charčovych praduktaŭ, jakoje daść adpaviednyja tłumačeńni.
Raniej Rasspažyŭnahlad uvioŭ zabaronu na pastaŭki ŭ Rasiju pradukcyi ŭkrainskaj kandytarskaj kampanii Roshen, zajaviŭšy, što jaje kandytarskija vyraby «nie adpaviadajuć zajaŭlenym paramietram».
Padkreślivałasia, što, u pryvatnaści, u małočnym šakaładzie Roshen byŭ znojdzieny bienzapiren, jaki źjaŭlajecca taksičnym rečyvam i moža vyklikać złajakasnyja puchliny. Roshen zajaviła ab vykanańni ŭsich sanitarnych normaŭ Ukrainy i Rasii.
Ciapier čytajuć
«Zachodziš u kamieru, a jany kažuć: «My z taboj admaŭlajemsia siadzieć». Cichanoŭski raskazaŭ, jak sutyknuŭsia z prablemaj nizkaha statusu12
Kamientary