 Aleś Puškin |
Pieršapačtkova tvorcy abvinavačiavalisia ŭ drobnym kradziažy — pavodle pratakoła, jany vykinuli dziaržaŭny ściah z vakna Aršanskaha RAUS. Adnak na pasiadžeńni sudździa Rybakova zajaviła, što ŭčynak padsudnych nie adpaviadaje farmuloŭcy «drobny kradziož». Da taho ž vyśvietliłasia i niekatoryja niedakładnaści ŭ pratakole.
 Alaksiej Janušeŭski |
‑‑ Prynamsi, śćviardžałasia, što Puškina i Janušeŭskaha zatrymali paśla 10 ranicy, u toj čas jak u sapraŭdnaści heta było a 8‑j, i tamu jość śviedki, ‑‑ raskazaŭ Viačasłaŭ Siŭčyk. — Siońnia ich znoŭ sudzili, ale ŭžo pa artykule «drobnaje chulihanstva». Pryčym sud prachodziŭ za začynienymi dźviaryma. Jak nam patłumačyŭ namieśnik staršyni suda, zakrytyja pracesy pa administracyjnych spravach — heta dla ich narmalnaja praktyka. Chacia ŭ sapraŭdnaści padebnaja reč nie adpaviadaje zakonu.
Na sudzie majstar pierfomansa Aleś Puškin zapatrabavaŭ pryciahnuć jaho da kryminalnaj adkaznaści, a nie abražać artykułam «za drobnaje chulihanstva».
‑‑ Jon zajaviŭ, što aburany tym biezzakońniem, jakoje ŭłady prademanstravali ŭ dačynieńni da sapraŭdnych biełarusaŭ, jakija ŭsiaho tolki i chacieli, što sabracca razam i śpiavać biełaruskija pieśni, ‑‑ adznačyŭ Viačasłaŭ Siŭčyk. — Pavodle Alesia, inšym čynam vykazać svoj pratest, akramia jak vykinuć simvał hetaj ŭłady, jakaja dapuskaje padobnaje, jon nie moh. I zaraz ni ab čym nie škaduje.
Puškin i Janušeŭski vyjduć na volu 16 vieraśnia.
