Tavarystva biełaruskaj movy imia Franciška Skaryny damahłosia, kab vučni starejšych kłasaŭ ruskamoŭnych ahulnaadukacyjnych škołaŭ atrymali mahčymaść vyvučać hieahrafiju i historyju Biełarusi na biełaruskaj movie.
Jašče letaś pad hetym patrabavańniem byli sabranyja tysiačy podpisaŭ, jakija adpravili ŭ Administracyju prezidenta.
Ministerstva adukacyi adreahavała niadaŭniaj publikacyjaj instruktyŭna‑mietadyčnaha lista, jaki dazvalaje vyvučać hieahrafiju i historyju Biełarusi i na biełaruskaj movie, kali ŭ vučniaŭ albo ich zakonnych pradstaŭnikoŭ jość takoje žadańnie.
U minułym hodzie jakraz takim listom Minadukacyi nie pakidała vybaru.
Pra toje, jak TBM udajecca ŭ svajoj dziejnaści zdabyvać realnyja pieramohi, «Jeŭraradyjo» raspaviadaje staršynia arhanizacyi Aleh Trusaŭ:
«Pa‑pieršaje, my ŭvieś čas trymajem kantakt z uładami. Pa‑druhoje, my sapraŭdnaja niaŭradavaja arhanizacyja, jakaja naličvaje tysiačy ludziej».
Pavodle słovaŭ Aleha Trusava, zaraz vučni 9‑10 kłasaŭ (albo ich baćki, zakonnyja pradstaŭniki) mohuć sabrać adpaviednuju kolkaść podpisaŭ, pieradać ich u vykankam, atrymać biełaruskamoŭnyja padručniki i navučacca na rodnaj movie.
«Ciapier sprava za ludźmi na miescach, my zrabili hałoŭnaje, a ciapier chaj našy aktyvisty ŭ rehijonach karystajucca zakonam!», — kaža Trusaŭ.
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary