Partyja BNF padała zajaŭki na praviadzieńnie 20 pikietaŭ suprać rasijskich vajennych baz
Aktyvisty Partyi BNF padali zajaŭki na praviadzieńnie 20 pikietaŭ u roznych haradach Biełarusi suprać raźmiaščeńnia ŭ krainie rasijskich vajennych baz. Pra heta paviedamiŭ lidar arhanizacyi Alaksiej Janukievič 3 vieraśnia napres-kanfierencyi ŭ Minsku.
Pavodle jaho słoŭ, pikiety płanujecca pravodzić 8 vieraśnia ci ŭ adnu ź blizkich da hetaha dnia dat. Na siońnia partyja atrymała try adkazy na zajaŭki, usie — admoŭnyja. Naprykład, adznačyŭ Janukievič, Słucki rajonny vykanaŭčy kamitet abhruntavaŭ svaju admovu ŭ praviadzieńni pikieta tym, što «na terytoryi Respubliki Biełaruś zabiaśpiečvajecca sistema vajennaj biaśpieki, abarony suvierenitetu i terytaryjalnaj cełasnaści krainy, adsutničaje realnaja pahroza raźmiaščeńnia na terytoryi Biełarusi vajennych baz i vajennych abjektaŭ».
Nas jak partyju, jakaja adstojvaje nacyjanalnyja intaresy, vielmi tryvožyć taki stan spraŭ. Raźmiaščeńnie rasijskich vajennych baz u Biełarusi niasie vyklučna pahrozu dla krainy, pavialičvajecca vierahodnaść jaje ŭciahvańnia ŭ vajennyja kanflikty», — ličyć Janukievič.«Miarkujučy pa hetym adkazie, ułady na miescach prosta nie vałodajuć situacyjaj.
Palityk nahadaŭ, što Partyja BNF jašče 27 lipienia płanavała pravieści kala rasijskaha pasolstva pikiet suprać raźmiaščeńnia ŭ Lidzie rasijskaj vajennaj bazy. Adnak Minharvykankam admoviŭ u jaho praviadzieńni i matyvavaŭ svajo rašeńnie tym, što zajaŭka nie adpaviadaje zakanadaŭstvu ab masavych mierapryjemstvach.
Haradskim uładam taksama niezrazumieła, jakija miery buduć pryniatyja zajaŭnikami dla biaśpieki ŭdzielnikaŭ pikieta. Akramia taho, u piśmovym adkazie z harvykankama adznačajecca, što praviadzieńnie pikieta moža stvaryć pieraškodu piešachodnamu i transpartnamu ruchu.
Pavodle słoŭ Janukieviča, admova Minharvykankama budzie abskardžana ŭ sudzie Maskoŭskaha rajona Minska. «Data pasiadžeńnia pakul nie vyznačana, idzie abmien listami», — adznačyŭ jon. Janukievič taksama paviedamiŭ, što 10 vieraśnia płanujecca pravieści ŭ Minsku «šyrokija hramadskija słuchańni» pa pytańni raźmiaščeńnia ŭ Biełarusi rasijskich vajennych baz.
Ciapier čytajuć
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary