Što ŭjaŭlajuć saboj suchpajki ŭ biełaruskim vojsku i za što ich krytykujuć i chvalać?
Kali chočacie jeści «jak u vojsku na vučeńniach», dyk možacie: usio znojdziecie ŭ zvyčajnaj kramie.
Farmavańniem suchpajkoŭ dla biełaruskaha vojska zajmajecca 1068‑ia charčovaja baza, što mieścicca ŭ Haradziščy (Minski rajon).
Skład vajskovych suchpajkoŭ publikavaŭ telehram-kanał «Ja-vojennyj.bieł».
Ahulnavajskovy racyjon vyhladaje tak: piečyva zaciažnoje abo krekier z pšaničnaj muki (abo halety, chlabcy), piečyva sałodkaje (abo vafli), kansiervy miasnyja (tušonka), kansiervy rybnyja, kansiervy miasa-raślinnyja, cukar, harbata, karamiel, charčovy hiematahien abo sadavinna-zbožžavy batončyk, sok z sadaviny. Enierhietyčnaja kaštoŭnaść takoha suchpajka składaje až 3890 kałoryj — dla mocnych nahruzak.
U racyjon charčavańnia asabovaha składu desantnych padraździaleńniaŭ dadajuć kavu dy šakaład. Tut užo kałaryjnaść atrymlivajecca 4008 kałoryj.
Racyjon charčavańnia padraździaleńniaŭ śpiecyjalnaha pryznačeńnia amal taki samy pa składzie, ale ŭžo raźličany na 4730 kałoryj.
Ahlad na suchpajok armiejskaha śpiecnaza rabiŭ mazyrski jutub-błohier Siarhiej Ciareščanka. Śćviardžaje, što biełaruski suchpajok jamu dasłaŭ niechta z padpisčykaŭ.
Nabor ježy taki: tušonka Žłobinskaha miasakambinata, jačnaja kaša ź jałavičynaj Słonimskaha miasakambinata (dźvie blašanki), bałtyjskaja kilka ŭ tamatnym sousie, try pački halet, pačak sałodkaha piečyva (piać štuk), čatyry pakunački čornaj harbaty Kali laska, hiematahien, maleńkaja šakaładka «Alonka», vosiem pakunačkaŭ cukru (pa 10 hram) i čatyrnaccać ledziancoŭ. Čamuści nie znajšłosia soku, jaki musiŭ być.
Aburyła błohiera toje, što jamu ŭ nabor trapiła dźvie adnolkavyja blašanki — hruca ź jałavičynaj. Maŭlaŭ, čamu nielha było pakłaści roznyja — naprykład, rys ci hrečku.
Nie spadabałasia mužčynu i toje, što na blašancy z tušonkaj nie było adryŭnoha kolca. Nie znajšłosia jaho i na kilcy, to-bok adkryvać jaje vielmi niazručna. Jak kaža Siarhiej, chočaš nažom, a chočaš zubami.
Raskrytykavaŭ jon i sam pačak, u jakim lažaŭ suchpajok. Tamu što zroblena jon sa zvyčajnaha kardonu, jaki lohka i chutka raspaŭziecca ad vilhaci (dla paraŭnańnia: navat rasijski suchpajok nadziejna zapakavany ŭ hiermietyčny płastykavy pakiet). Naohuł, usio pakavańnie ŭ nabory Siarhiej zavie niesučasnym. Naprykład, vojski zachodnich krain daŭno vykarystoŭvajuć retort-pakiety zamiest vialikich, ciažkich i niazručnych blašanak.
— Dzie łyžki? Čym sałdat budzie jeści? Štyk-nažom? Nu niaŭžo naša biełaruskaja pramysłovaść nie moža nadrukavać termapłastaŭtamatami dobraj jakaści łyžki? Nie tyja, jakija kładuć u suchpajek rasijskaj armii — jany łamajucca, a mocnyja, dobryja.
Plus, jaki pabačyŭ błohier, — heta jakaść praduktaŭ. Maŭlaŭ, jon sam nabyvaŭ u kramie takija kansiervy i ŭpeŭnieny ŭ tym, što miasa ŭ blašankach sapraŭdy možna znajści.
Ale ž da smaku jość pytańni. Błohier śćviardžaje, što jeści kašy chałodnymi ŭsio ž niepryjemna, a ničoha dla taho, kab pahreć ich, jon nie znajšoŭ.
— Voś skažycie, što, vajskoviec pavinien vohnišča raskłaści? Tak jaho ŭbačyć luby dron ź ciepłavizaram.
Halety Siarhiej uvohule nazyvaje nienavisnymi i cikavicca, čamu ž u Biełarusi nielha zrabić kansiervavany chleb (u nataŭskich suchpajkach jon jość).
Raniej ahlad na suchpajok biełaruskaha vojska rabiŭ błohier i instruktar pa stralbie z Dahiestana Marat Sutajeŭ. U jaho nabory była hruca ź jałavičynaj dy hrečka ź jałavičynaj. Soku taksama nie było, zatoje znajšłasia kava.
Pieršaje, što ździviła Marata — adsutnaść pradmietaŭ dla taho, kab možna było padahreć ježu (u internecie možna znajści infarmacyju, što ŭ niekatorych biełaruskich suchpajkach suchoje paliva z padstaŭkaj). Tamu jamu pryjšłosia brać nieabchodnaje z rasijskaha suchpajku.
Jon kaža, što jeści kansiervy možna i chałodnymi, ale ciopłymi ŭsio ž značna smačniej. Na adsutnaść łyžki błohier taksama źviarnuŭ uvahu, ale dastaŭ svaju.
Uraziła Marata toje, jak šmat miasa ŭ biełaruskich kašach. Kaža, što vielmi smačna. Z tušaninaj jon zrabiŭ buterbrod na halecie.
— Ja b z zadavalnieńniem pajšoŭ u biełaruskaje vojska, kab jeści taki suchpajok. Žartuju.
Ahułam racyjon Maratu spadabaŭsia. Maŭlaŭ, ničoha lišniaha.
Na STB u 2023 hodzie taksama vyrašyli paraŭnać suchpajki Biełarusi, Rasii i krain NATA.
Žurnalist aktyŭna raschvalvaŭ ajčynnyja kansiervy — pierakonvaŭ, što ŭ śviecie heta ŭžo ekskluziŭ: «Biełaruś — adzinaja kraina postsavieckaj prastory, jakaja zachavała lehiendarnuju blašanku ŭ svaich suchpajkach».
Ale adznačyŭ: u Rasii racyjon bolš raznastajny — jość rahu z harodniny, kuryny paštet, jabłyčnyja piure i fruktovyja napoi. Navat žujku pakłali.
Hałoŭnaje adroźnieńnie amierykanskaha suchpajka — jon raźličany na adzin pryjom ježy (biełaruski i rasijski — adrazu na ŭvieś dzień).
«Z asnoŭnaha — tušanaja kuryca ŭ tamatnym sousie i z syram fieta, kukuruznaja zapiakanka. Jość chleb, ale nie jak haleta, a taki, jak navat dla kasmanaŭtaŭ biaruć. Jość syr płaŭleny — jon jość i ŭ rasijskich kaleh. Potym karamielna-jabłyčnaja nuha. Kapučyna. A dalej adnarazovy posud i srodki hihijeny».
U amierykanskim suchpajku znajšli biespałymiany nahravalnik ježy — unutr jaho nieabchodna zalić vadu. U siužecie śćviardžałasia, byccam i ŭ biełaruskim znachodzicca anałahičny. Rasijski varyjant žurnalist raskrytykavaŭ.
Nie spadabałasia jamu i rasijskaja hrečka ź jałavičynaj — kaža, smak miasa zusim nie adčuvajecca. Biełaruskaja kansierva — nu zusim inšy smak.
Darečy, ciapier suchpajok rasijskaha vajskoŭca možna spakojna nabyć na «Kufary» ŭsiaho za 33 rubli, a amierykanskaha — za 80 rubloŭ.
Kamientary
V Hiermanii i Avstrii, hdie ja živu poślednije hody, nie umiejut diełať tušienku. Krupnokuskovoj voobŝie niet.
V Zapadnoj Hiermanii odin iz krupniejšich proizvoditielej Dreistern diełajet tušienku javno iz miasa mašinnoj obvałki, prosto spriessovannaja massa miełkich kusočkov. Niemcy raschvalivajut v riecienzijach na Amazonie, naviernoje , nie privykli k druhomu, chotia jesť i mnienija, čto dažie sobaki ot takoho otvoračivajutsia.
V Avstrii tušienka pochoža na paštiet.
Liš v byvšiej Vostočnoj Hiermanii diełajut normalnuju po vkusu tušienku (naviernoje, tiechnołohii Vostočnoho błoka), no tožie nie krupnokuskovaja.