«Pa najaŭnaj u nas infarmacyi, Uładzisłaŭ Baŭmhiertnier znachodzicca na terytoryi Biełarusi», — paviedamiŭ BiełaPAN konsuł rasijskaha pasolstva Ihar Karahin. «Jak miarkujecca, jon usio jašče znachodzicca ŭ SIZA KDB», — dadaŭ dypłamat.
Nahadajem, 23 vieraśnia pasolstva RF nakiravała ŭ MZS Biełarusi zapyt na sustreču z hramadzianinam Rasii Uładzisłavam Baŭmhiertnieram. Pakul adkazu na zapyt niama, udakładniŭ konsuł.
Pavodle jaho słoŭ, zhodna ź Vienskaj kanviencyjaj biełaruski bok pavinien dać adkaz na praciahu troch sutak.
Pravaachoŭnyja orhany Biełarusi infarmacyju pra miescaznachodžańnie rasiejskaha biznesmena pa-raniejšamu nie kamientujuć.
Hramadzianin Rasii, hiendyrektar «Urałkalija», kiraŭnik naziralnaha savieta biełaruska-rasijskaha ZAT «Biełaruskaja kalijnaja kampanija» Uładzisłaŭ Baŭmhiertnier byŭ aryštavany ŭ Minsku 26 žniŭnia i źmieščany ŭ śledčy izalatar KDB pa abvinavačvańni ŭ złoŭžyvańni ŭładaj i słužbovymi paŭnamoctvami.
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ
Kamientary