Budaŭnictva hipiermarkieta «Karona» pačniecca ŭ nastupnym miesiacy nasuprać aŭtacentra «AŭtaVAZ», kala skryžavańnia vulic Karžanieŭskaha i Kižavatava.
Pra heta paviedamiŭ siońnia namieśnik kiraŭnika administracyi Kastryčnickaha rajona Dzianis Žybul padčas žyvoj telefonnaj linii, piša sajt «Minsk-Naviny».
— Układzienaja inviestdamova na budaŭnictva bujnoha handlovaha abjekta, prajekt prajšoŭ ekspertyzu, i ŭ kastryčniku zabudoŭnik raspačnie realizacyju, — skazaŭ Dzianis Žybul. — Płanujecca, što ŭ śniežni 2014 hipiermarkiet budzie ŭviedzieny ŭ ekspłuatacyju.
Na sajcie administracyi Kastryčnickaha rajona ŭdakładniajecca, što inviestycyjnaja damova była ŭkładzienaja jašče 22 śniežnia 2011 hoda, ahulnaja płošča handlovaha centra składzie amal 10 tysiač kvadratnych mietraŭ, ź ich handlovaja płošča — nie mienš za 5 tysiač.
Abjekt budzie ŭklučać u siabie hipiermarkiet praduktaŭ i pramtavaraŭ, kramki, restaran, sałony sotavaj suviazi, apteku, punkt abmienu valut, pralniu, chimčystku, ramont adzieńnia, abutku, mietałavyrabaŭ, vyrab klučoŭ, fotapasłuhi.
Kamientary