Lidar lehiendarnaj polskaj «Salidarnaści» adznačyć jubilej u svaim domie na Bałtyjskim uźbiarežžy, dzie arhanizavany pryjom na 700 čałaviek.
Budučy prezident Polščy naradziŭsia ŭ vialikaj siamji 29 vieraśnia 1943 hoda ŭ miastečku Popava ŭ hminie Lipna. Jon skončyŭ škołu miechanizacyi sielskaj haspadarki i pracavaŭ elektramiechanikam. U 1967 hodzie ŭładkavaŭsia elektrykam na Hdańskuju sudnabudaŭničuju vierf.
Pieršy dośvied palityčnaj baraćby Lech Valensa atrymaŭ u 1970 hodzie — jon aktyŭna ŭdzielničaŭ u strajku rabočych vierfi i byŭ aryštavany.
Paźniej jon uvachodziŭ u aficyjnuju Rabočuju kamisiju, adkazvaŭ za biaśpieku i hihijenu. U 1976 hodzie jaho zvolnili za krytyku dziejnaści prafsajuzaŭ i administracyi pradpryjemstva.
14 žniŭnia 1980 hoda jon ačoliŭ strajk na Hdańskaj vierfi i staŭ lidaram Mižnarodnaha strajkavaha kamitetu.
Ciaham dvuch tydniaŭ lidary akcyi viali pieramovy z uładami. 31 žniŭnia jany zaviaršylisia padpisańniem pahadnieńniaŭ, jakija harantavali vykanańnie ŭsich patrabavańniaŭ rabočych, u tym liku prava na arhanizacyju niezaležnych samakiravanych prafsajuzaŭ. Nabolš viadomym ź ich stała «Salidarnaść».
5 kastryčnika 1983 hoda Lech Valensa atrymaŭ Nobieleŭskuju premiju mira za imknieńnie da mirnaha vyrašeńnia prablem i kanfliktaŭ u baraćbie za pravy i svabody.
Svaju ŭznaharodu prafsajuzny lidar pieradaŭ polskamu kaściołu ŭ fond raźvićcia indyvidualnaj sielskaj haspadarki.
U 1988 hodzie, kali Polšču znoŭ skałychnuli strajki, Valensa vystupiŭ za pieramovy z uładami. Byŭ arhanizavany znakamity «kruhły stoł», u miežach jakoha było pryniataje rašeńnie ab praviadzieńni ŭ krainie vybaraŭ u siejm i sienat.
Pa vynikach hałasavańnia ŭ parłamient uvajšli ŭsie kandydaty ad «Salidarnaści». U krainie byŭ sfarmavany pieršy niekamunistyčny ŭrad. A ŭ 1990 hodzie Lech Valensa byŭ abrany prezidentam Polščy. Hetuju pasadu jon zajmaŭ adzin piacihadovy termin.
Kamientary