Biełarusy adnavili Jeŭfrasińnieŭski kryž u Kanadzie — fotafakt
U subotu, 28 vieraśnia, biełarusy Kanady sabralisia ŭ sakralnym miescy — Proščy Pakutnikaŭ (Martyrs' Shrine) kala horada Midłend (štat Antarya), kab adnavić Biełaruski Jeŭfrasińnieŭski Kryž.
Kryž byŭ upieršyniu pastaŭleny ŭ hetym tradycyjnym miescy pałomnictva pradstaŭnikami biełaruskaj dyjaspary z usiaho śvietu ŭ 1988 h. u pamiać 1000-hodździa chryścijanstva ŭ Biełarusi.
Arhanizatarami i hałoŭnymi fundatarami taho prajekta byli Vincuk i Raisa Žuk-Hryškievičy, na ŭračystaje adkryćcio Kryža pryjazdžała Natalla Arsieńnieva, jakaja pryśviaciła jamu adzin z svaich viadomych vieršaŭ.
Sioleta Kryž daviałosia demantavać, bo za 25 hadoŭ draŭnina, ź jakoj jon byŭ zrobleny, sparachnieła darešty.
Dziakujučy achviaravańniam biełaruskaj hramady Kanady, Amieryki i Biełarusi i pracy ruk Jurki Šaŭčenki, na śviata Uźvižańnia paŭstaŭ novy čatyrochmietrovy Kryž. Padčas uračystaj słužby Kryž aśviaciŭ jepiskap Biełaruskaj aŭtakiefalnaj pravasłaŭnaj carkvy Uładyka Śviatasłaŭ.
Naprykancy słužby biełarusy Kanady praśpiavali tradycyjny himn «Mahutny Boža».
Kryž uvasablaje nadzieju biełaruskaj hramady na vyzvaleńnie i adradžeńnie volnaj Baćkaŭščyny, što, na žal, nie straciła aktualnaści i siońnia.
Pieršy Kryž byŭ pastaŭleny pakaleńniem pavajennych emihrantaŭ, siońnia novaje pakaleńnie biełarusaŭ Kanady paćvierdziła svaju addanaść spravie Biełaruščyny.
Ciapier čytajuć
Stajać na adnoj nazie z knihaj na hałavie ŭ pamiać pra błakadu Leninhrada. Čynoŭniki zapuścili vielmi dziŭny čelendž da 9 Maja14
Kamientary