Voś dzie jon źjavicca.
U rajonie 7-ha Čyhunačnaha zavułka płanujecca novy žyły kvartał. Pra heta paviedamiŭ «Minsk-Navinam» kiraŭnik Administracyi Maskoŭskaha rajona Siarhiej Rubanaŭ.
Jon raskazaŭ taksama pra inšyja budoŭli ŭ rajonie:
«Praciahvajecca aktyŭnaje ŭźviadzieńnie žyłych damoŭ uzdoŭž praśpiekta Dziaržynskaha. Taksama za apošni čas prykmietna źmianiłasia vulica Minina, uzdoŭž jakoj pastupova raście novy kvartał. U miežach vulic Siamaški i Piatroŭščyna praciahvajecca budaŭnictva Sankt-Pieciarburhskaha kvartała. Akramia taho, pačalisia raboty pa ŭźviadzieńni hrupy žyłych damoŭ z ubudavanymi pamiaškańniami i šmatuzroŭnievaj aŭtastajankaj na vulicy Rozy Luksiemburh. Jašče adna placoŭka rychtujecca pad zabudovu. Kazachstanski kvartał źjavicca ŭzdoŭž vulicy Čyhunačnaj».
Čynoŭnik adznačyŭ, što svabodnyja terytoryi ŭ rajonie pad budaŭnictva praktyčna adsutničajuć.
Što da novych sacyjalnych abjektaŭ, to ŭ rajonie vulicy Dziekabrystaŭ budujecca dziciačy sad na 230 miescaŭ. Na vulicy Kurčatava budzie novy fizkulturna-azdaraŭlenčy kompleks. Płanujuć uźvieści taksama škołu na tysiaču miescaŭ z basiejnam — u miežach vulic Razinskaj, Hrušaŭskaj, Ščorsa i praśpiekta Žukava.
Ciapier čytajuć
Što zdaryłasia ź Mikitam Miełkazioravym, jaki raptoŭna pamior nočču?31
Kamientary