Minčuki masava skuplajuć tałony i žetony na mietro — fotafakt
Na fonie abvieščanaha padaražańnia prajezdu ŭ hramadskim transparcie viečaram 30 minčanie masava skuplajuć prajaznyja bilety, tałony i žetony na mietro.
U mietrapalitenie zaraz sapraŭdny ažyjataž. Čerhi ŭ kasy jość praktyčna na ŭsich stancyjach, u ich dziasiatki pasažyraŭ. Jak paviedamiŭ BiełaPAN vidavočca, kab kupić dva žetony ŭ adnym z chołaŭ na stanci «Kuncaŭščyna» druhoj linii, jamu daviałosia prastajać u čarzie amal 20 chvilin.
Prykładna ŭ 18.30 u čarzie było pryblizna 60 čałaviek. Pry hetym pracavali dva kasiry.
U čarhu stanavilisia nie tolki tyja, chto ŭvachodziŭ na stancyju, ale i tyja, chto jaje pakidaŭ. U toj ža čas niekatoryja pasažyry, zajšoŭšy ŭ choł i ŭbačyŭšy vialikuju čarhu, pakidali stancyju.
U čarzie išli razmovy pra toje, što prajaznyja bilety jość na ŭsich stancyjach mietro.
U Minsku 1 kastryčnika daražeje prajezd u hramadskim transparcie.
Adpaviednaje rašeńnie № 2388 ad 25 vieraśnia pryniata Minharvykankamam i 30 vieraśnia aficyjna apublikavana na Nacyjanalnym pravavym internet-partale. Košt adnoj pajezdki ŭ aŭtobusie, tralejbusie, tramvai i mietro składzie 2500 rubloŭ (raniej — 2000).
Pry kuplańni tałona ŭ vadziciela naziemnaha hramadskaha transpartu pajezdka budzie kaštavać 3000 rubloŭ. Prajezd u aŭtobusach ekspres-maršrutaŭ składzie 3800 rubloŭ. Padaražejuć i prajaznyja bilety.
Tak, na adzin vid transpartu košt prajaznoha na miesiac składzie 112500 rubloŭ, na paŭmiesiaca — 60000, na dekadu — 39600, na dva vidy transpartu — 150200, 79100 i 52900 adpaviedna, na try vidy — 179000, 94100 i 62700, na čatyry — 202500, 106700 i 71100, na aŭtobus-ekspres — 146600, 77200 i 51400 biełaruskich rubloŭ.
Bilety na adnu pajezdku pa taryfach 2.000, 2.500 i 3.000 rubloŭ buduć dziejničać na praciahu dziesiaci dzion. Papiaredniaje pavyšeńnie taryfaŭ było 25 maja hetaha hoda — z 1.700 da 2000 rubloŭ za adnu pajezdku.
Trahiedyja ŭ Dokšycach: skončyła žyćcio samahubstvam 15-hadovaja viaskovaja vydatnica2
Kamientary