Ciapła ŭ minskich kvaterach nie budzie da paniadziełka?
Razpavietrańnie sistem aciapleńnia ŭ žyłych damach Minska nie pačniecca da 7 kastryčnika, kali buduć padklučanyja ŭsie spažyŭcy hetaj katehoryi, paviedamiŭ pradstaŭnik Minharvykankama na «haračaj linii» 165.
U žyllova-ekspłuatacyjnych słužbach spasyłajucca na telefanahramu z CEC, u jakoj zabaraniajecca razpavietryvać batarei.
Takim čynam, jak minimum da paniadziełka ŭ častku kvater ciapło budzie padavacca nie ŭ poŭnym abjomie.
Miž tym siaredniesutačnaja tempieratura pavietra nižej za plus 8 hradusaŭ rehistrujecca ŭ stalicy ŭžo 10 dzion (z 25 vieraśnia), pry hetym noč na 4 kastryčnika była samaj chałodnaj hetaj vosieńniu (minus 1,4 hradusa).
Aciapleńnie ŭ žyłach damach horada pačali ŭklučać 2 kastryčnika, abo na vośmy dzień paśla padzieńnia siaredniasutačnaj tempieratury nižej za 8 hradusaŭ, choć pavodle narmatyvu ciapło ŭklučajecca, kali tempieratura nižej za 8 hradusaŭ na praciahu piaci dzion. Praces padklučeńnia aciapleńnia pavinien zaviaršycca 6 kastryčnika.
2 kastryčnika namieśnik hienieralnaha dyrektara HA «Minskaja haradskaja žyllovaja haspadarka» Halina Hilevič paviedamiła na pres-kanfierencyi, što ŭ cełym na naładku aciapleńnia ŭ damach moža pajści da dziesiaci dzion.
Pavodle jaje słoŭ, pieršyja piać dzion budzie zapuskacca aciapleńnie, a ŭžo potym žychary zmohuć źviartacca ŭ ŽESy, kali ŭźniknuć prablemy z aciapleńniem u asobnym stajaku abo ŭ kvatery ŭ cełym.
«My budziem chadzić pa kvaterach, kali treba razpavietryć sistemu abo adrehulavać jaje», -- zajaviła Hilevič.
Ciapier čytajuć
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»10
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary