6 kastryčnika prykładna ŭ 15.20 40-hadovy vadziciel matacykła «Chonda», znachodziačysia ŭ stanie ałkaholnaha apjanieńnia, ruchajučysia pa vulicy Starynaŭskaj u Minsku, niapravilna vybraŭ chutkaść, nie ŭličyŭ darožnyja ŭmovy (stan pakryćcia prajeznaj častki), nie spraviŭsia z kiravańniem, u vyniku čaho ŭpaŭ z matacykła.
Jak paviedamili va ŭpraŭleńni DAI HUUS Minharvykankama, paciarpiełych u DTZ niama. Vadziciel ad kiravańnia adchileny. Matacykł dastaŭleny na achoŭnuju stajanku.
Miedycynski ahlad pakazaŭ u matacyklista 1,4 pramile ałkaholu ŭ kryvi.
U dačynieńni da mužčyny składziena šeść pratakołaŭ. U žniŭni 2013 hoda jon pryciahvaŭsia da adkaznaści na padstavie art. 18.16 č. 1 KoAP za kiravańnie transpartnym srodkam u stanie ałkaholnaha apjanieńnia. Jamu była vyniesiena pastanova ab nakładańni štrafu ŭ pamiery 3 młn. rubloŭ i pazbaŭleńni prava kiravańnia transpartam usich katehoryj.
Kamientary