Alaksandr Łukašenka ličyć mahčymym pieradaču rasijskamu boku hiendyrektara AAT «Urałkalij» Uładzisłava Baŭmhiertniera [byŭ zatrymany 26 žniŭnia ŭ Minsku, znachodziŭsia ŭ SIZA KDB, ciapier — pad chatnim aryštam — NN] paśla kampiensacyi naniesienaj biełaruskamu boku škody.
«Ja nie kryvažerny, ja nie da taho, što my pavinny ich pasadzić i hetak dalej. Pakul my nie nabrali bolš škody, niachaj nam kampiensujuć heta», - zajaviŭ A. Łukašenka ŭ paniadziełak u Minsku, padčas sustrečy z kiraŭnikami srodkaŭ masavaj infarmacyi krain SND.
U cełym Łukašenka acaniŭ straty Biełarusi ad situacyi vakoł «Urałkalija» u 1,5-2 miljardy dalaraŭ, Rasii - prykładna ŭ try miljardy dalaraŭ
Łukašenka taksama zajaviŭ, što Biełarusi było b vyhadna, kali b adnym z akcyjanieraŭ «Urałkalija» byŭ uładalnik «Ruśśniefti» Michaił Huceryjeŭ.
Pa słovach Łukašenki, jon užo abmiarkoŭvaŭ ź biznesmenam pytańnie ab kupli doli ŭ rasijskim vytvorcy kaliju, i maje namier abmierkavać jaho jašče raz u budučyni, dadaje lenta.ru.
Kamientary