Аляксандр Лукашэнка лічыць магчымым перадачу расійскаму боку гендырэктара ААТ «Уралкалій» Уладзіслава Баўмгертнера [быў затрыманы 26 жніўня ў Мінску, знаходзіўся ў СІЗА КДБ, цяпер — пад хатнім арыштам — НН] пасля кампенсацыі нанесенай беларускаму боку шкоды.
«Я не крыважэрны, я не да таго, што мы павінны іх пасадзіць і гэтак далей. Пакуль мы не набралі больш шкоды, няхай нам кампенсуюць гэта», - заявіў А. Лукашэнка ў панядзелак у Мінску, падчас сустрэчы з кіраўнікамі сродкаў масавай інфармацыі краін СНД.
У цэлым Лукашэнка ацаніў страты Беларусі ад сітуацыі вакол «Уралкалія» у 1,5-2 мільярды даляраў, Расіі - прыкладна ў тры мільярды даляраў
Лукашэнка таксама заявіў, што Беларусі было б выгадна, калі б адным з акцыянераў «Уралкалія» быў уладальнік «Русснефті» Міхаіл Гуцэрыеў.
Па словах Лукашэнкі, ён ужо абмяркоўваў з бізнэсмэнам пытанне аб куплі долі ў расійскім вытворцы калію, і мае намер абмеркаваць яго яшчэ раз у будучыні, дадае lenta.ru.
Цяпер чытаюць
Кадэбэшнікі тэлефануюць беларусам у эміграцыі праз іх сяброў — чаго хочуць?5
Каментары